គម្រោងសាងសង់កំពង់ផែដែកទេសចរណ៍ខេត្តកំពង់ចាម គ្រោងនឹងបើកការដ្ឋានសាងសង់នៅថ្ងៃទី០៣ ខែតុលា ឆ្នាំ២០២៥ នេះហើយ! គម្រោងនេះ ជាគម្រោងកែលម្អកំពង់ចម្លងចាស់នៅក្រុងកំពង់ចាម ខេត្តកំពង់ចាមឱ្យប្រែក្លាយជាកំពង់ផែទេសចរណ៍ស្តង់ដារ មានសោភ័ណភាព សមស្របសម្រាប់នាវាចូលសំចត ដោយសាងសង់ប្រើប្រាស់ថវិកាជាតិ។ តាមរយៈចំណតកំពង់ផែទេសចរណ៍ដែកបណ្តែតទឹកនេះនឹងផ្តល់ប្រយោជន៍ដ៏ធំធេងដល់ខេត្តកំពង់ចាម និងបម្រើដល់ការតភ្ជាប់ផ្លូវនាវាចរណ៍ទៅកាន់ខេត្តតាមបណ្តោយផ្លូវទឹកនានាផងដែរ។ សូមបញ្ជាក់ផងដែរថា ពិធីបើកការដ្ឋានសាងសង់ គម្រោងសាងសង់កំពង់ផែដែកទេសចរណ៍ខេត្តកំពង់ចាម នឹងប្រព្រឹត្តទៅនៅថ្ងៃទី ០៣ ខែតុលា ឆ្នាំ២០២៥ ស្ថិតនៅក្រុងកំពង់ចាម ខេត្តកំពង់ចាម ក្រោមអធិបតីភាព ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube