បុណ្យភ្ជុំបិណ្ឌ គឺជាពិធីបុណ្យធំមួយក្នុងចំណោមពិធីបុណ្យប្រពៃណីខ្មែរដទៃទៀត ដែលប្រជាជនខ្មែរទូទាំងប្រទេស តែងតែប្រារព្ធឡើងជារៀងរាល់ឆ្នាំ តាំងពីបុរាណរៀងមក។ ពិធីបុណ្យភ្ជុំបិណ្ឌនេះ មានរយៈពេល១៥ថ្ងៃ ពោលគឺចាប់ពីថ្ងៃ ១រោច រហូតដល់ថៃ្ងទី ១៥រោច ខែភទ្របទ។ បុណ្យភ្ជុំបិណ្ឌ គឺជាបុណ្យប្រពៃណីខ្មែរយើង មិនមែនជាបុណ្យព្រះពុទ្ធសាសនាទេ តែរបៀប នៃពិធីបុណ្យនេះត្រូវបានធ្វើឡើងតាមលំនាំព្រះពុទ្ធសាសនា ដោយសារតែប្រជាពលរដ្ឋខ្មែរភាគច្រើនលើសលុបជាអ្នកកាន់ព្រះពុទ្ធសាសនា។ ញាតិញោមពុទ្ធបរិស័ទជិតឆ្ងាយទាំងអស់ អាចអញ្ជើញមកបំពេញបុណ្យដោយក្តីរីករាយនៅ វត្តព្រះពុទ្ធមណ្ឌលគិរី (ហៅវត្តលើ) ស្ថិតនៅភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី។ ប្រភពពី៖ សាលាគណគណៈធម្មយុត្តិ ខេត្តមណ្ឌលគិរី