វគ្គបណ្តុះបណ្តាល ស្តីពីយន្តការផ្សព្វផ្សាយ និងបច្ចេកទេសនៃការប្រើប្រាស់បណ្តាញសង្គម ដល់មន្រ្តីលេខាធិការដ្ឋានខេត្ត ក្រុង ស្រុក ឃុំ សង្កាត់ ព្រមទាំងជនបង្គោលក្នុងខេត្តមណ្ឌលគិរី មណ្ឌលគិរី៖ នារសៀលថ្ងៃពុធ ទី១៧ ខែកញ្ញា ឆ្នាំ២០២៥ ឯកឧត្តម ហ៊ាញ ប៊ុណ្ណា អភិបាលរង តំណាងដ៏ខ្ពង់ខ្ពស់ ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី លោក ទេស តារារ័ត្ន អគ្គនាយកស្ដីទី នៃអគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ និងជាសមាជិកក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី បានអញ្ជើញជាគណៈអធិបតី វគ្គបណ្តុះបណ្តាល ស្តីពីយន្តការផ្សព្វផ្សាយ និងបច្ចេកទេសនៃការប្រើប្រាស់បណ្តាញសង្គម ដោយមានការចូលរួមពីលោក លោកស្រី តំណាងមន្ទីរ/អង្គភាពជុំវិញខេត្ត ក្រុង/ស្រុកទាំង៥ មេឃុំ/ចៅសង្កាត់ និងអ្នកពាក់ព័ន្ធជាច្រើននាក់ ដែលប្រព្រឹត្តទៅនៅសាលាខេត្តមណ្ឌលគិរី។ វគ្គបណ្តុះបណ្តាលនេះរៀបចំឡើង ដើម្បីចែករំលែកបទពិសោធន៍ និងពង្រឹងសមត្ថភាពទៅលើយន្តការផ្សព្វផ្សាយ និងបច្ចេកទេសនៃការប្រើប្រាស់បណ្តាញសង្គម របៀបប្រើប្រាស់បណ្តាញសង្គម និងបច្ចុប្បន្នភាពនៃបច្ចេកវិទ្យាបញ្ញាសិប្បនិម្មិត (AI) បច្ចេកទេសនៃការថតរូប និងសរសេរអត្ថបទ ព្រមទាំងរបៀបប្រើប្រាស់ QR Code និង Google Map (Pin Location in Google Map) ផងដែរ៕