សូមស្វាគមន៍មកកាន់ចម្ការទុរេន «ម៉ូសាងឃីង» នៅខេត្តមណ្ឌលគិរី! ម៉ូសាងឃីង (Musang King) ត្រូវបានដាំដុះមុនដំបូងគេបង្អស់ នៅក្នុងរដ្ឋ Kelantan, Pahang និង Johor នៃប្រទេសម៉ាឡេស៊ី។ ទុរេនម៉ូសាងឃីង ដែលគេស្គាល់ផងដែរថា គឺជាប្រភេទទុរេនមួយដែលពេញនិយម និងមានតម្រូវការខ្ពស់បំផុត ដោយសារសាច់ទុរេនមានពណ៌លឿងទុំ មានរសជាតិគ្រីមមី ឈ្ងុយឆ្ងាញ់ ទុរេននេះត្រូវបានចាត់ទុកថាជាពូជដែលមានគុណភាពខ្ពស់ និងមានតម្លៃថ្លៃបំផុតក្នុងចំណោមទុរេនទាំងអស់។ ក្រុមហ៊ុន Golden Durian បានសម្រេចដាំដុះទុរេនម៉ូសាងឃីង នៅក្នុងខេត្តមណ្ឌលគិរី ដែលមានតំបន់ដ៏ស័ក្ដិសមបំផុតសម្រាប់ការដាំដុះទុរេនប្រភេទនេះ ដោយសារមានសមាសភាពដី សណ្ឋានដីល្អ និងលក្ខខណ្ឌអាកាសធាតុដ៏អំណោយផល។ ក្រុមហ៊ុនជឿជាក់ថា ម៉ូសាងឃីងនឹងក្លាយជាក្ដីសង្ឃឹមថ្មី សម្រាប់កសិករខ្មែរ ទាំងផ្នែកទីផ្សារក្នុងស្រុក និងនាំចេញទៅក្រៅប្រទេស៕ ប្រភពពី៖ Golden Durian