កិច្ចប្រជុំពិភាក្សាពីវិស័យភស្តុភារកម្ម និងដឹកជញ្ជូនក្នុងប្រទេសកម្ពុជា ដោយផ្តោតលើករណីសិក្សាកំពង់ផែស្វយ័តក្រុងព្រះសីហនុ ទីស្តីការក្រសួង៖ នាព្រឹកថ្ងៃពុធ ទី២៧ ខែសីហា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខា ក្រសួងសាធារណការ និងដឹកជញ្ជូន បានដឹកនាំកិច្ចប្រជុំពិភាក្សាពីវិស័យភស្តុភារកម្ម និងដឹកជញ្ជូន ក្នុងប្រទេសកម្ពុជា ដោយផ្តោតលើករណីសិក្សាកំពង់ផែស្វយ័តក្រុងព្រះសីហនុ (Logistics and Transport in Cambodia: The Case of the Sihanoukville Autonomous Port) ជាមួយតំណាងកំពង់ផែស្វយ័តក្រុងព្រះសីហនុ សភាពាណិជ្ជកម្មអឺរ៉ុបនៅកម្ពុជា (Eurocham) និងសមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) ព្រមទាំងអគ្គនាយកដ្ឋានដែលពាក់ព័ន្ធផងដែរ។ កិច្ចប្រជុំត្រូវបានរៀបចំឡើងក្នុងគោលបំណងដើម្បីពិភាក្សា លើចំណុចសំខាន់ៗចំនួន៥ ចំណុច រួមមាន៖ ១.) ការតភ្ជាប់ប្រព័ន្ធ (EDI Connectivity ដោយរួមបញ្ចូល Truck and Maritime) ២.) Road Accessibility ៣.) Volume balance over the week ៤.) Rail Accessibility និង ៥.) Berth Optimisation៕