ការពិនិត្យលទ្ធភាពក្នុងការសហការ និងបង្កើនប្រសិទ្ធភាពការងារ ក្នុងការអភិវឌ្ឍឌីជីថលក្នុងវិស័យសាធារណការ និងដឹកជញ្ជូន តាមរយៈក្រុមហ៊ុន ស្មាត អាស្យាតា ខូ អិលធីឌី ទីស្ដីការក្រសួង ៖ នាថ្ងៃព្រហស្បតិ៍ ទី១៤ ខែកក្កដា ឆ្នាំ២០២៥ ឯកឧត្ដម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជួបប្រជុំពិភាក្សាជាមួយតំណាងក្រុមហ៊ុន ស្មាត អាស្យាតា ខូ អិលធីឌី ដឹកនាំដោយលោក Sharif Lukman Mahfoedz ដើម្បីពិនិត្យលទ្ធភាពក្នុងការសហការ និងបង្កើនប្រសិទ្ធភាពការងារ ក្នុងការអភិវឌ្ឍឌីជីថលក្នុងវិស័យសាធារណការ និងដឹកជញ្ជូន ដោយមានការចូលរួមពីមន្ត្រីជំនាញពាក់ព័ន្ធរបស់ក្រសួង។ កិច្ចប្រជុំនេះរៀបចំឡើងដើម្បីពិភាក្សាអំពីលទ្ធភាព ការផ្លាស់ប្តូរមតិយោបល់ និងការកំណត់អាទិភាព នៃការធ្វើសមាហរណកម្មឌីជីថល ក្របខណ្ឌរាជរដ្ឋាភិបាល និងការគាំទ្រផ្សេងៗ ដែល ក្រុមហ៊ុន ស្មាត អាស្យាតា ខូ អិលធីឌី ដែលជាក្រុមហ៊ុនក្នុងតំបន់ដ៏ធំមួយរបស់ប្រទេសម៉ាឡេស៊ី អាចជួយបន្ថែមដល់ក្រសួង ក៏ដូចជារាជរដ្ឋាភិបាល តាមរយៈការអភិវឌ្ឍរដ្ឋបាលឌីជីថលនៅកម្ពុជា៕