កម្មវិធីបើកវគ្គបណ្តុះបណ្តាលស្តីពី “ភាពជាអ្នកដឹកនាំ និងសមភាពយេនឌ័រ” ដំណាក់កាលទី២ ទីស្ដីការក្រសួង៖ នាថ្ងៃពុធ ទី១៣ ខែសីហា ឆ្នាំ ២០២៥ លោកជំទាវ មឹន មាណវី រដ្ឋលេខាធិការ និងជាប្រធានគណៈកម្មការទទួលបន្ទុកយេនឌ័រ និងយន្តការគាំទ្រ នៃក្រសួងសាធារណការ និងដឹកជញ្ជូន បានអញ្ជើញជាអធិបតីភាពក្នុងកម្មវិធីបើកវគ្គបណ្តុះបណ្តាលស្តីពី "ភាពជាអ្នកដឹកនាំ និងសមភាពយេនឌ័រ" ដំណាក់កាលទី២ ដោយមានការអញ្ជើញចូលរួមពីថ្នាក់ដឹកនាំក្រសួង តំណាងខាងអង្គការមូលនិធិអាស៊ី និងសិក្ខាកាមមកពីអង្គភាពចំណុះក្រោមឱវាទក្រសួង។ កម្មវិធីបណ្តុះបណ្តាលនេះ រៀបចំឡើងក្នុងគោលបំណងផ្តោតសំខាន់លើការពង្រឹងសមត្ថភាព និងជំរុញភាពជាអ្នកដឹកនាំរបស់ស្រ្តីនៅក្នុងក្រសួង ព្រមទាំងជាមូលដ្ឋានគ្រឹះសម្រាប់ពង្រឹងកិច្ចសហប្រតិបត្តិការនាពេលអនាគតផងដែរ៕