កិច្ចប្រជុំស្ដីពីលទ្ធផលការងារខែកក្កដា និងលើកទិសដៅការងារសម្រាប់ខែសីហា ឆ្នាំ២០២៥ របស់អគ្គនាយកដ្ឋានបច្ចេកទេស ទីស្តីការក្រសួង៖ នាថ្ងៃចន្ទ ទី០៤ ខែសីហា ឆ្នាំ២០២៥ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ដើម្បីពិនិត្យនូវលទ្ធផលការងារដែលសម្រេចបានក្នុងខែកក្កដា និងទិសដៅការងារសម្រាប់ខែសីហា ឆ្នាំ២០២៥ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពីថ្នាក់ដឹកនាំ អគ្គនាយក នៃអគ្គនាយកដ្ឋានបច្ចេកទេស ព្រមទាំងមន្ត្រីជំនាញពាក់ព័ន្ធជាច្រើនរូបផងដែរ។ កិច្ចប្រជុំនេះ ត្រូវបានរៀបចំឡើង ដើម្បីពិនិត្យនូវសកម្មភាពការងារដែលសម្រេចបានរបស់ អគ្គនាយកដ្ឋានដែលបាន និងកំពុងអនុវត្តក្នុងខែកក្កដា ឆ្នាំ២០២៥នេះ ព្រមទាំង និងលើកទិសដៅការងារសម្រាប់ខែសីហា ឆ្នាំ២០២៥ និងស្វែងរកដំណោះស្រាយពីបញ្ហាប្រឈមនានា លើការអនុវត្តការងារកន្លងមក សំដៅ ធានាឱ្យការត្រៀមអនុវត្តផែនការសកម្មភាពសម្រាប់ខែសីហា ឆ្នាំ២០២៥ កាន់តែមានប្រសិទ្ធភាព ស្របទៅតាមផែនការសកម្មភាព របស់អគ្គនាយកដ្ឋានដែលបានគ្រោងប្រចាំឆ្នាំ៕