កិច្ចប្រជុំពិភាក្សាអំពីលទ្ធផលរបាយការណ៍សវនកម្ម លើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ ២០២៤ ទីស្ដីការក្រសួង៖ នាព្រឹកថ្ងៃព្រហស្បតិ៍ ទី៣១ ខែកក្កដា ឆ្នាំ២០២៥ ឯកឧត្តម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ បានដឹកកិច្ចប្រជុំពិភាក្សាអំពីលទ្ធផលរបាយការណ៍សវនកម្មលើរបាយការណ៍ហិរញ្ញវត្ថុរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ ២០២៤ ដោយមានការចូលរួមពី ឯកឧត្តមអគ្គលេខាធិការរង នៃអាជ្ញាធរសវនកម្មជាតិ ថ្នាក់ដឹកនាំ និងមន្រ្តីជំនាញទទួលបន្ទុកការងារពាក់ព័ន្ធ។ កិច្ចប្រជុំបានពិភាក្សានូវចំណុចមួយចំនួន ដើម្បីកែលម្អការអនុវត្តការងាររបស់អង្គភាពជំនាញក្រោមឱវាទក្រសួង ឱ្យកាន់តែមានប្រសិទ្ធភាពបន្ថែមទៀតនៅក្នុងការិយបរិច្ឆេទបន្ទាប់ ។ ជារួម របាយការណ៍ហិរញ្ញវត្ថុរបស់រដ្ឋបាលកណ្តាលរបស់ក្រសួងសាធារណការ និងដឹកជញ្ជូន សម្រាប់ការិយបរិច្ឆទ ២០២៤ ត្រូវបានវាយតម្លៃថាបានរៀបចំគ្រប់ទិដ្ឋភាពជាសារវន្តស្របតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងក្របខណ្ឌគោលការណ៍គណនេយ្យរបស់រាជរដ្ឋាភិបាលកម្ពុជា៕