ពិធីប្រកាសបញ្ចូលសមាជិកថ្មីរបស់គណបក្សប្រជាជនកម្ពុជានៅឃុំត្រើយស្លា ស្រុកស្អាង ខេត្តកណ្តាលចំនួន ៥១១នាក់ នាថ្ងៃសៅរ៍ ទី១៩ ខែកក្កដា ឆ្នាំ២០២៥ ក្រុមការងារគណបក្សចុះមូលដ្ឋានឃុំត្រេីយស្លា ស្រុកស្អាង បានរៀបចំពិធីបញ្ចូលសមាជិកគណបក្សប្រជាជនកម្ពុជា ឃុំត្រេីយស្លា ស្រុកស្អាងខេត្តកណ្តាលចំនួន ៥១១នាក់ ក្រោមអធិបតីភាព ឯកឧត្តមបណ្ឌិត ឈួន ដារ៉ា សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារគណបក្សចុះមូលដ្ឋានស្រុកស្អាង និងជាប្រធានក្រុមការងារគណបក្សចុះមូលដ្ឋានឃុំត្រើយស្លា ដោយមានការចូលរួមពី សមាជិក សមាជិកា ក្រុមការងារគណបក្សចុះមូលដ្ឋានឃុំត្រេីយស្លាជាច្រើនរូប។ ថ្លែងក្នុងអង្គពិធី ឯកឧត្តមប្រធាន បានសំណេះសំណាលទៅកាន់បងប្អូនដែលជាសមាជិកគណបក្សទាំងអស់ និងសមាជិកដែលទើបបញ្ចូលថ្មី ដែលបានចូលរួមជាមួយគណបក្សប្រជាជនកម្ពុជា ដែលជាគណបក្សដែលមានភាពចាស់ទុំ មានអាយុកាល៧៤ឆ្នាំហើយ។ ការសម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា ជាការសម្រេចចិត្តដ៏ត្រឹមត្រូវ បង្ហាញពីការយល់ដឹង និងឆន្ទៈចង់បានសន្តិភាព និងអភិវឌ្ឍបន្តទៅមុខទៀត។ ទន្ទឹមនឹងនេះ តំណាងសមាជិកថ្មីទាំង៥១១នាក់ បានធ្វើការគាំទ្រ និងប្តេជ្ញាចិត្ត បោះឆ្នោតជូនគណបក្សប្រជាជនកម្ពុជា ដើម្បីបន្តរក្សាសន្តិភាព និងការអភិវឌ្ឍន៍រីកចម្រើនរបស់ប្រទេសជាតិយើង។ ជាទីបញ្ចប់ ឯកឧត្តមប្រធាន បានបន្ថែមក្នុងអង្គពិធីទាំងមូលឱ្យជឿជាក់លើរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា ដោយមានសម្តេច ហ៊ុន សែន ប្រធានគណបក្ស និងសម្ដេចធិបតី ហ៊ុន ម៉ាណែត អនុប្រធានគណបក្សរបស់យើង ក្នុងការដោះស្រាយបញ្ហាព្រំដែន ដោយរាជរដ្ឋាភិបាលនឹងព្យាយាមដោះស្រាយឱ្យអស់លទ្ធភាព និងមិនរុញច្រានប្រទេសឱ្យធ្លាក់ក្នុងសង្គ្រាមនោះឡើយ។ ឯកឧត្តមក៏បានស្នើដល់សមាជិក សមាជិការបស់គណបក្សប្រជាជនកម្ពុជា ត្រូវចូលរួមការពារសន្តិភាព ការពារសមិទ្ធផលរបស់សង្គមជាតិ និងចូលរួមធ្វើសកម្មភាពល្អៗឱ្យសកម្មដើម្បីចិត្តគំនិតបម្រើផល ប្រយោជន៍សង្គមឱ្យបានផុលផុសនៅក្នុងមូលដ្ឋាន ដើម្បីទទួលបាន ការគោរពស្រលាញ់ពេញចិត្ត និងការគាំទ្រពីសំណាក់ប្រជាពលរដ្ឋខ្មែរគ្រប់មជ្ឈដ្ឋាន និងគ្រប់ទីកន្លែង៕