គិតត្រឹមដើមខែកក្កដានេះ កំណាត់ចុងក្រោយនៃ គម្រោងផ្លូវជាតិលេខ៥ (សិរីសោភ័ណ-ប៉ោយប៉ែត) សម្រេចវឌ្ឍនភាពការងារបាន ៣២% ហើយ! កំណាត់ចុងក្រោយ ផ្លូវជាតិលេខ៥ (សិរីសោភ័ណ-ប៉ោយប៉ែត) ខេត្តបន្ទាយមានជ័យ មានប្រវែង ៣៥,១៤គីឡូម៉ែត្រ សម្រចបានលទ្ធផលជារួមបាន ៣២% ហើយ គិតត្រឹមដើមខែកក្កដា ឆ្នាំ២០២៥ នេះ។ បើគ្មានការប្រែប្រួលទេ កំណាត់ផ្លូវជាតិលេខ៥ នៃគម្រោងស្តារ និងលើកកម្រិតគុណភាពផ្លូវជាតិលេខ៥ កំណាត់ចុងក្រោយនេះ គ្រោងនឹងបញ្ចប់ក្នុងអំឡុងឆ្នាំ ២០២៦ ខាងមុខ។ នៅពេលការងារស្ថាបនា ពង្រីក និងលើកគុណភាពផ្លូវ នៃគម្រោងផ្លូវជាតិលេខ៥ នេះ រួចរាល់ វានឹងជួយសម្រួលការធ្វើដំណើរ និងដឹកជញ្ជូន របស់ប្រជាពលរដ្ឋ កាន់តែមានភាពងាយស្រួល។ យ៉ាងណា ក្រសួង និងមន្ទីរសាធារណការ ខេត្តបន្ទាយមានជ័យ ក៏សំណូមពរ ឲ្យបងប្អូនអ្នកដំណើរ ប្រជាពលរដ្ឋ មានការយោគយល់ ក្នុងអំឡុងការងារនៃគម្រោងនេះ ព្រមទាំងបង្កើនការយកចិត្តទុកដាក់ ប្រុងប្រយ័ត្ន និងអធ្យាស្រ័យខ្ពស់ ក្នុងការបើកករ ផងដែរ ដើម្បីសុវត្ថិភាព និងរបៀបរៀបរយ។