លោក ផន រឹម៖ ភាគីពាក់ព័ន្ធនឹងគាស់កកាយដកដែករ៉ៃចេញ លើកំណាត់ផ្លូវដែកមុខព្រលានយន្តហោះពោធិ៍ចិនតុង អ្នកនាំពាក្យក្រសួងសាធារណការ និងដឹកជញ្ជូនលោក ផន រឹម បានអះអាងថា មន្ទីរសាធារណការបានសហការជាមួយក្រុមហ៊ុន Royal Railway នឹងធ្វើការកាយដកដែករ៉ៃចេញនៅលើកំណាត់ផ្លូវដែក មុខព្រលានយន្តហោះដែលបានឈប់ប្រើ ព្រមទាំងចាក់បេតុងឲ្យបានស្អាតឡើងវិញស្របតាមស្តង់បច្ចេកទេស។ ការកែសម្រួលផ្លូវដែកនេះ ក្រោយមានយុវតីម្នាក់ដែលជានិស្សិតពេទ្យបានស្លាប់ក្នុងគ្រោះថ្នាក់ចរាចរណ៍ដោយសារការរអិលបន្ទាប់ពីឆ្លងផ្លូវកំណាត់ផ្លូវដែកនេះ ដែលស្ថិតលើកំណាត់ផ្លូវតាំងក្រសាំង មុខព្រលានយន្តហោះអន្តរជាតិភ្នំពេញ ក្នុងខណ្ឌពោធិ៍សែនជ័យ កាលពីថ្ងៃ៣ មេសា ៕