ក្រសួងសាធារណការ និងដឹកជញ្ជូន សូមគាំទ្រយ៉ាងពេញទំហឹងចំពោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ដែលបានថ្លែងអំពី “កម្ពុជាមិនដោះដូរអធិបតេយ្យជាតិជាមួយបរទេស ការមិនយកសន្ដិភាពរបស់ប្រទេសទៅដោះដូរជាមួយជំនួយ” ហើយប្រមុខរាជរដ្ឋាភិបាលបានបញ្ជាក់ជំហរយ៉ាងច្បាស់ថា កម្ពុជាត្រូវប្រឹងរស់ងើបឈរដើម្បីការពារឯករាជ្យ អធិបតេយ្យ និងសន្ដិភាពរបស់ប្រទេស។ ជំហរដ៏ម៉ឹងម៉ាត់របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជានេះ ជាវីរៈភាពស្នេហាជាតិ មាតុភូមិ និងគោរពយ៉ាងខ្ជាប់ខ្ជួននូវរដ្ឋធម្មនុញ្ញ នៃព្រះរាជាណាចក្រកម្ពុជា។