ភ្នំអណ្តូងស្នេហ៍ ជាគោលដៅទេសចរណ៍ដ៏លេចធ្លោរមួយនៃខេត្តមណ្ឌលគិរី ដែលមានទីតាំងស្ថិតនៅក្នុងឃុំដាក់ដាំ និងមានចម្ងាយប្រមាណ ២២គីឡូម៉ែត្រ ពីទីរួមខេត្តមណ្ឌលគិរី (ជាផ្លូវទៅកាន់ព្រំដែនកម្ពុជា-វៀតណាម)។ «អណ្តូងស្នេហ៍» ដែលភ្ញៀវទេសចរមួយចំនួននិយមហៅថា «ផ្លូវអក្សរS» ជាទីទាក់ទាញយ៉ាងខ្លាំងសម្រាប់ភ្ញៀវទេសចរមកថតរូប មិនថាថ្ងៃបុណ្យទាន ឬថ្ងៃឈប់សម្រាកធម្មតា។ ក្រៅពីបានថតរូប ដែលចេញផ្លូវជាអក្សរS បងប្អូនក៏អាចទស្សនាទេសភាពធម្មជាតិដ៏ស្រស់អស្ចារ្យ និងទស្សនាថ្ងៃរៀបលិចយ៉ាងស្រស់ស្អាតផងដែរ៕ ប្រភពរូបភាពពី៖ Christian Len Photography