មណ្ឌលគិរី ជាខេត្តនាទិសឦសានរបស់ប្រទេសយើង ដែលសំបូរទៅដោយធនធានធម្មជាតិដ៏សម្បូរបែប ក្នុងនោះក៏មាន ធនធានរ៉ែជាច្រើនប្រភេទ សម្រាប់ជួយទ្រទ្រង់សេដ្ឋកិច្ច និងវារីអគ្គិសនីដែលជាប្រភពថាមពលសម្រាប់បម្រើដល់តម្រូវការរបស់ប្រជាពលរដ្ឋ។ វិស័យរ៉ែ និងថាមពល ខេត្តមណ្ឌលគិរី បែងចែកជា ៣ វិស័យ៖ ១. វិស័យធនធានរ៉ែ រួមមាន រ៉ែលោហៈ រ៉ែប៊ុកស៊ីត រ៉ែថ្មក្រានីត-ម៉ាប រ៉ែថ្មសំអាង រ៉ែសំណង់គ្រង់ប្រភេទ ២. វិស័យថាមពល រួមមាន ប្រភពថាមពលក្នុងខេត្ត ប្រភពថាមពលនាំចូលក្នុងប្រទេស ប្រភពថាមពលនាំចូលពីបរទេស និងភូមិសាស្ត្រអំណោយផលបង្កើតថាមពលដោយខ្យល់ ៣. វិស័យប្រេងកាត ក្នុងខេត្តមណ្ឌលគិរី មានស្ថានីយប្រេងឥន្ធនៈសរុបចំនួន ៤៩ស្ថានីយ នៅក្រុងសែនមនោរម្យ ស្រុកកែវសីមា ស្រុកកោះញែក ស្រុកពេជ្រាដា និងស្រុកអូររាំង។