ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំអន្តរក្រសួងផ្ទៃក្នុងដើម្បីពិនិត្យ និងពិភាក្សាលើសេចក្តីព្រាងច្បាប់ ស្តីពីប្រៃសណីយ៍ ទីស្តីការក្រសួង៖ នាព្រឹកថ្ងៃសុក្រ ទី៦ ខែមិថុនា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំអន្តរក្រសួងផ្ទៃក្នុងដើម្បីពិនិត្យ និងពិភាក្សាលើសេចក្តីព្រាងច្បាប់ស្តីពីប្រៃសណីយ៍ ដោយមានការចូលរួមពី ឯកឧត្តម លោកជំទាវថ្នាក់ដឹកនាំក្រសួងសាធារណការ និងដឹកជញ្ជូន ឯកឧត្តមរដ្ឋលេខាធិការក្រសួងប្រៃសណីយ៍ និងទូរគមនាគមន៍ និងមន្រ្តីជំនាញជំនាញពាក់ព័ន្ធ។ កិច្ចប្រជុំនេះត្រូវបានធ្វើឡើងដើម្បីពិនិត្យទៅលើខ្លឹមសារមួយចំនួន ដែលក្រសួងសាធារណការ និងដឹកជញ្ជូន បានផ្តល់ជាធាតុចូល ដើម្បីឱ្យសេចក្តីព្រាងច្បាប់នេះ មានសង្គតិភាពទៅនឹងច្បាប់ដទៃ គ្រប់ជ្រុងជ្រោយទាំងទិដ្ឋភាពបច្ចេកទេស និង គតិយុត្តពាក់ព័ន្ធជាធរមាន៕