ចុះពិនិត្យទីតាំងថ្មីរបស់ស្ថានីយជញ្ជីងអចល័ត ពួក ខេត្តសៀមរាប ដែលគ្រោងនឹងផ្លាស់ប្តូរពីទីតាំងចាស់បច្ចុប្បន្ន សៀមរាប៖ នាព្រឹកថ្ងៃអង្គារ ទី៣ ខែមិថុនា ឆ្នាំ២០២៥ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូ ចុះពិនិត្យទីតាំងថ្មីរបស់ស្ថានីយជញ្ជីងអចល័ត ពួក ខេត្តសៀមរាប ដែលគ្រោងនឹងផ្លាស់ប្តូរពីទីតាំងចាស់បច្ចុប្បន្ន ទៅទីតាំងថ្មី ស្ថិតនៅផ្លូវជាតិលេខ៦ ចន្លោះគ.មលេខ៣៣៣ និងគ.មលេខ៣៣៤ ស្រុកពួក ខេត្តសៀមរាប ដោយមានការអញ្ជើញចូលរួមពីឯកឧត្តម លី សារី អភិបាលរងខេត្ត លោក សាន ណារិន អភិបាលរងស្រុកពួក មេឃុំ មេភូមិ តំណាងមន្ទីរសាធារណការ និងដឹកជញ្ជូនខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត សមត្ថកិច្ចមូលដ្ឋាន និងអង្គភាពពាក់ព័ន្ធផ្សេងៗទៀត។ ជាលទ្ធផលក្រុមការងារ បានកំណត់យកទីតាំងខាងលើ ដោយមានការឯកភាពគាំទ្រពីអាជ្ញាធរមូលដ្ឋានគ្រប់ជាន់ថ្នាក់សម្រាប់សាងសង់ស្ថានីយជញ្ជីងអចល័ត ពួក ខេត្តសៀមរាប នាពេលឆាប់ៗខាងមុខ បន្ទាប់ពីក្រុមការងារដោះស្រាយផលប៉ះពាល់ និងអាជ្ញាធរខេត្ត បានដោះស្រាយ និងសម្របសម្រួលជាមួយម្ចាស់ដីនៅពីក្រោយគម្រោងសាងសង់ជញ្ជីងថ្មីនេះ រួចរាល់។ ឆ្លៀតក្នុងឱកាសចុះពិនិត្យទីតាំងខាងលើ ឯកឧត្តមរដ្ឋលេខាធិការ បានចុះពិនិត្យ និងណែនាំនៅតាមស្ថានីយជញ្ជីងមួយចំនួន ឱ្យពង្រឹងការងារទប់ស្កាត់យានយន្តដឹកលើសទម្ងន់កំណត់ សន្តិសុខ សណ្តាប់ធ្នាប់ វិន័យ និងអនាម័យជុំវិញបរិវេណស្ថានីយឱ្យបានល្អប្រសើរបន្ថែមទៀត៕:: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube