និស្សិតជំនាន់ទី១ ឯកទេសគ្រប់គ្រងការដឹកជញ្ជូន និងភស្ដុភារកម្ម នៃវិទ្យាស្ថានតេជោសែន សាធារណការ និងដឹកជញ្ជូន ចំនួន ១៣ក្រុម បានការពារសារណាបញ្ចប់ថ្នាក់បរិញ្ញាបត្រ សាលសហសិក្សាតេជោសែន៖ នាថ្ងៃទី២៨ ដល់ថ្ងៃទី៣០ ខែឧសភា ឆ្នាំ២០២៥ វិទ្យាស្ថានតេជោសែន សាធារណការ និងដឹកជញ្ជូន បានរៀបចំកម្មវិធីការពារសារណាបញ្ចប់ការសិក្សា ដល់និស្សិតជំនាន់ទី១ ឯកទេសគ្រប់គ្រងការដឹកជញ្ជូន និងភស្ដុភារកម្ម ចំនួន ១៣ក្រុម។ ក្នុងកម្មវិធីការពារសារណា នៅថ្ងៃទី៣ បានទទួលកិត្ដិយស ពីសំណាក់ ឯកឧត្ដម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន ដែលបានឆ្លៀតពេលដ៏មមារញឹក ផ្ដល់កិត្ដិយសជាគណៈកម្មការមេប្រយោគ ដល់និស្សិតការពារសារណា។ ទន្ទឹមនឹងនេះផងដែរ កម្មវិធីការពារសារណាបញ្ចប់ថ្នាក់បរិញ្ញាបត្រនេះ ត្រូវបានអញ្ជើញបើកកម្មវិធីដោយ ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន តេជោសែន សាធារណការ និងដឹកជញ្ជូន និងជាប្រធានគណកម្មការការពារសារណា ដោយមានការចូលរួមពី លោក-លោកស្រី ជាថ្នាក់ដឹកនាំនាយកដ្ឋាន និងអនុគណៈកម្មការមេប្រយោគ និងវាយតម្លៃបានអញ្ចើញ ក្នុងការត្រួតពិនិត្យដំណើរការ នៃការការពារសារណារបស់និស្សិតវិទ្យាស្ថានតេជោសែន សាធារណការ និងដឹកជញ្ជូន ជំនាន់ទី១ នេះ ផងដែរ។ គួរបញ្ជាក់ដែរថា ក្នុងន័យលើកកម្ពស់ការសិក្សា និងការស្រាវជ្រាវរបស់និស្សិត វិទ្យាស្ថានតម្រូវឱ្យនិស្សិតគ្រប់ជំនាញទាំងអស់ ត្រូវស្រាវជ្រាវសរសេរសារណា និងការពារស្នាដៃរបស់ខ្លួន ដើម្បីបញ្ចប់ថ្នាក់បរិញ្ញាបត្ររបស់ខ្លួន ក្រោមការដឹកនាំ និងទទួលបានការវាយតម្លៃពីសំណាក់ លោក-លោកស្រី គ្រូឧទ្ទេសដែលមានបទពិសោធន៍ និងជំនាញតាមវិស័យ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube