ស្ពានស្ទឹងបត់ ឬស្ពានមិត្តភាពកម្ពុជា-ថៃ (ស្ទឹងបត់-បានណងអៀន) ជាស្ពានតភ្ជាប់ប្រទេសកម្ពុជា និងថៃដំបូងគេ ស្ពាននេះបានបង្កើនទំនាក់ទំនងដ៏ជិតស្និទ្ធរវាងប្រជាជនប្រទេសទាំងពីរ តភ្ជាប់សង្គម និងវប្បធម៌អប់រំ កសិកម្ម និង ទេសចរណ៍ឱ្យឆ្ពោះទៅរកការអភិវឌ្ឍនិងភាពរីកចម្រើន រួមទាំងសម្រួលវិស័យគមនាគមន៍ ការដឹកជញ្ជូន និងឡូជីស្ទីក និងជួយកាត់បន្ថយការកកស្ទះនៅច្រកព្រំដែនប៉ោយប៉ែតផងដែរ។ សូមជម្រាបជូនថា ស្ពានស្ទឹងបត់ មានប្រវែងស្ពានសរុប ៦២០ម៉ែត្រ (ផ្នែកខាងកម្ពុជា ២១៥ម៉ែត្រ ផ្នែកខាងថៃ ៤០៥ម៉ែត្រ) ទទឹងស្ពាន ១៧ម៉ែត្រ និងសម្ពោធឱ្យប្រើប្រាស់ កាលពីថ្ងៃទី២២ ខែមេសា ឆ្នាំ២០១៩៕