កិច្ចប្រជុំពិភាក្សា ស្តីពីវឌ្ឍនភាពនៃការលក់លេខចុះបញ្ជីយានជំនិះ ប្រចាំខែមេសា ឆ្នាំ២០២៥ របស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីយានជំនិះ ទីស្ដីការក្រសួង៖ នាថ្ងៃចន្ទ ទី១២ ខែឧសភា ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន និងជាប្រធានគណៈកម្មការរអន្តរក្រសួងគ្រប់គ្រងការលក់លេខចុះបញ្ជីយានជំនិះ បានអញ្ជើញដឹកនាំកិច្ចប្រជុំពិភាក្សា ស្តីពីវឌ្ឍនភាពនៃការលក់លេខចុះបញ្ជីយានជំនិះ ប្រចាំខែមេសា ឆ្នាំ២០២៥ របស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីយានជំនិះ ដោយមានការចូលរួមពីសមាជិក សមាជិកាគណៈកម្មការអន្តរក្រសួង និងសមាជិកនៃអនុគណៈកម្មការជំនាញទាំងពីរផងដែរ។ អនុគណៈកម្មការជំនាញទាំងពីរបានធ្វើបទបង្ហាញពីរបាយការណ៍វឌ្ឍនភាពការងារលក់លេខចុះបញ្ជី លេខពិសេស និងលេខពិសេសផ្ទាល់ខ្លួន ការរៀបចំពិធីសម្ពោធប្រព័ន្ធលេខពិសេសផ្ទាល់ខ្លួនម៉ូតូ និងមណ្ឌលផ្តល់សេវាសាធារណៈ ក៏ដូចជាទិសដៅការងារក្នុងការពង្រឹងការផ្តល់សេវាសាធារណៈជូនប្រជាពលរដ្ឋឱ្យកាន់តែប្រសើរឡើង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube