ផ្លូវមួយខ្សែប្រវែងជាង២៣គីឡូម៉ែត្រ តភ្ជាប់ពីភូមិក្រឆាន-ភូមិត្រពាំងឫស្សី ឆ្លងកាត់សង្កាត់វិហារលួង ក្រុងសួង ឃុំគរ និងឃុំរកាពរប្រាំ ស្រុកត្បូងឃ្មុំ ខេត្តត្បូងឃ្មុំ បាននឹងកំពុងដំណើរការស្ថាបនា ក្រោមក្របខណ្ឌគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) គាំទ្រថវិកាដោយរាជរដ្ឋាភិបាលកម្ពុជា និងហិរញ្ញប្បទានពីធនាគារពិភពលោក (WB) អនុវត្តគម្រោងដោយមន្ទីរអភិវឌ្ឍន៍ជនបទខេត្តត្បូងឃ្មុំ។ ផ្លូវនេះត្រូវធ្វើការកែលម្អពីក្រាលក្រួសក្រហម ទៅជាផ្លូវក្រាលកៅស៊ូពីរជាន់ (DBST) ទទឹង៦ម៉ែត្រ៕