វេទិកាសាធារណៈឆ្លុះបញ្ចាំងលើការគាំទ្រយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា សម្រាប់នីតិកាលទី៧ នៃរដ្ឋសភា ស្ថិតនៅស្រុកអូររាំង ខេត្តមណ្ឌលគិរី មណ្ឌលគិរី៖ នាថ្ងៃពុធ ទី៧ ខែឧសភា ឆ្នាំ២០២៥ ឯកឧត្តមឧត្តមសេនីយ៍ឯក ដួង ហេង រដ្ឋលេខាធិការក្រសួងការពារជាតិ និងជាប្រធានក្រុមការងារចុះមូលដ្ឋានស្រុកអូររាំង បានអញ្ជើញជាអធិបតីក្នុងវេទិកាសាធារណៈឆ្លុះបញ្ចាំងលើការគាំទ្រយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា សម្រាប់នីតិកាលទី៧ នៃរដ្ឋសភា ស្ថិតនៅស្រុកអូររាំង ខេត្តមណ្ឌលគិរី ដោយមានការចូលរួមពីឯកឧត្តម ជា ជុន អនុរដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធានក្រុមការងារចុះមូលដ្ឋានស្រុកអូររាំង ឯកឧត្តម លឹម គង់ អនុប្រធានក្រុមការងារចុះមូលដ្ឋានស្រុកអូរាំង ខេត្តមណ្ឌលគិររី លោក នួន សារ៉ន អភិបាលរងខេត្តមណ្ឌលគិរី និងលោក យុង ភារ៉ា អភិបាលរងស្រុកអូររាំង។ ជាមួយគ្នានោះ ក៏មានការចូលរួមពីសមាជិក សមាជិកា ឯកឧត្តម លោកជំទាវ លោក លោកស្រី អនុប្រធាន និងសមាជិកក្រុមការងាររាជរដ្ឋា ភិបាលចុះមូលដ្ឋានខេត្ត ស្រុក លោក លោកស្រី ប្រធាន អនុប្រធានមន្ទីរ អង្គភាពជំនាញជុំវិញខេត្ត លោក លោកស្រី ក្រុមប្រឹក្សាស្រុក គណៈអភិបាលស្រុក នាយក នាយករងរដ្ឋបាលស្រុក ប្រធាន អនុប្រធាន ការិយាល័យជុំវិញស្រុក លោកអធិការ អធិការរង លោកមេបញ្ជាការ មេបញ្ជាការរង ទាំងពីរ លោក ស្រីមេឃុំ ជំទប់ ស្មៀនឃុំ នាយប៉ុស្តិ៍នគរបាលរដ្ឋបាលឃុំ និងបងប្អូនប្រជាពលរដ្ឋសរុបប្រមាណ១០០នាក់ផងដែរ។ វេទិកានេះរៀបចំឡើងជួបសំណេះសំណាល សួរសុខទុក្ខ និងស្ដាប់សភាពការណ៍ បញ្ហាប្រឈម សំណូមពរនិងកង្វល់នានារបស់ប្រជាពលរដ្ឋផ្ទាល់នៅមូលដ្ឋានដើម្បីជួយដោះស្រាយជូនពួកគាត់ឱ្យមានប្រសិទ្ធភាព។ នៅក្នុងដំណើរការកំពុងប្រព្រឹត្តទៅរបស់អង្គវេទិកា បងប្អូនប្រជាពលរដ្ឋដែលបានអញ្ជើញចូលរួម បានលើកឡើងពីបញ្ហាកង្វល់ ក៏ដូចជាសំណូមពរផ្សេងៗមកកាន់ក្រុមការងាររាជរដ្ឋាភិបាលស្នើសុំជួយដោះស្រាយ ដែលក្នុងនោះរួមមាន ផ្លូវ ភ្លើង បន្ទប់ទឹក ឡានពេទ្យពេលឆ្លងទន្លេ បញ្ហាធ្វើប្លង់ប្រពន្ធ័លើដីរានថ្មី អណ្តូងទឹក សេវាទូរស័ព្ទពេលមានហេតុការណ៍កើតឡើង អាស្រមសម្រាប់ធ្វើបុណ្យសព និងពិធីផ្សេងៗ ប័ណ្ណសមធម៌ សាលាឆទាន សម្ភារកីឡារបស់សិស្សានុសិស្សតូចៗ បន្ទប់ឯកសារគ្រូ បង្គន់អនាម័យ និងម៉ាស៊ីនភ្លើង៕