កិច្ចប្រជុំផ្លាស់ប្ដូរការរៀបចំយុទ្ធសាស្ត្ររវាងក្រសួងសាធារណការ និងដឹកជញ្ជូនកម្ពុជា និងក្រសួងសាធារណការ និងដឹកជញ្ជូនឡាវ ទីស្តីការក្រសួង៖ នាថ្ងៃចន្ទ ទី២១ ខែមេសា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួងសាធារណការ និងដឹកជញ្ជូនកម្ពុជា រួមមានអគ្គនាយកដ្ឋានពាក់ព័ន្ធក្រោមឱវាទក្រសួង ចូលរួមកិច្ចប្រជុំផ្លាស់ប្ដូរការរៀបចំយុទ្ធសាស្ត្រជាមួយគណៈប្រតិភូក្រសួងសាធារណការ និងដឹកជញ្ជូនឡាវ។ កិច្ចប្រជុំពិភាក្សាខាងលើនេះ ត្រូវបានរៀបចំក្នុងគោលបំណងដើម្បី (១) ផ្លាស់ប្ដូរបទពិសោធន៍រវាងគ្នាក្នុងការរៀបចំផែនការលើវិស័យឡូជីស្ទីក វិស័យដឹកជញ្ជូន និងការតភ្ជាប់ និង (២) ពិភាក្សាលើកាលានុវត្តភាពលើកិច្ចសហប្រតិបត្តិការរវាងក្រសួងទាំងពីរនាពេលអនាគត។ សូមបញ្ជាក់ផងដែរថា ក្រោមកិច្ចសម្របសម្រួលពីអគ្គនាយកដ្ឋានភស្ដុភារកម្ម នៃក្រសួងសាធារណការ និងដឹកជញ្ជូនកម្ពុជា គណៈប្រតិភូក្រសួងសាធារណការ និងដឹកជញ្ជូនឡាវ គ្រោងនឹងចុះទស្សនកិច្ចផ្ទាល់នៅកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ និងតំបន់សេដ្ឋកិច្ចពិសេសក្នុងខេត្តព្រះសីហនុ ដែលជាតំបន់ប្រមូលផ្ដុំហេដ្ឋារចនាសម្ព័ន្ធដ៏មានសក្ដានុពលរបស់ប្រទេសកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube