ថ្នាក់ដឹកនាំក្រសួងប្រជុំពិភាក្សាអំពីវឌ្ឍនភាពផែនការ នៃការរៀបចំគម្រោងកសាងសមត្ថភាពវិស័យទឹកកខ្វក់ ជាមួយក្រុមការងាររបស់ AgroParisTech នៃប្រទេសបារាំង តាមរយៈប្រព័ន្ធវីដេអូពីចម្ងាយ ទីស្ដីការក្រសួង៖ នារសៀលថ្ងៃចន្ទ ទី៧ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំជាមួយក្រុមការងាររបស់ AgroParisTech ដែលដឹកនាំដោយ លោក Jean Antoine FABY នាយកវិទ្យាស្ថានបារាំង AgroParisTech តាមរយៈវីដេអូពីចម្ងាយ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ថ្នាក់ដឹកនាំ ព្រមទាំងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។ កិច្ចប្រជុំនេះធ្វើឡើងដើម្បីពិភាក្សាអំពីវឌ្ឍនភាពផែនការនៃការរៀបចំគម្រោងកសាងសមត្ថភាពវិស័យទឹកកខ្វក់(CB-SAN) ដែលគម្រោងនេះនឹងគ្រោងធ្វើឡើងសម្រាប់ផ្តោតទៅលើការបណ្តុះបណ្តាលគ្រូជំនាញនៅវិទ្យាស្ថានតេជោសែន សាធារណការ និងដឹកជញ្ជូន (TSI) ព្រមទាំងថ្នាក់ដឹកនាំ និងមន្ត្រីជំនាញ ដែលបំពេញការងារលើវិស័យអនាម័យ និងការងារទឹកកខ្វក់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube