ភ្នំពេញ ៖ គម្រោងស្ថាបនាផ្លូវជាតិលេខ១០ តភ្ជាប់ពីខេត្តបាត់ដំបង ទៅខេត្តកោះកុងដោយឆ្លងកាត់ខេត្តពោធិ៍សាត់ ប្រវែង១៩៨,៥២គីឡូម៉ែត្រ រហូតដល់ពេលនេះ សម្រេចបានជិត១០០ភាគរយហើយ ។ នេះ បើតាមក្រសួងសាធារណការនិងដឹកជញ្ជូននៅព្រឹកថ្ងៃទី ១៩ មីនា ឆ្នាំ ២០២៥នេះ ។បើតាមក្រសួងសាធារណការបានឱ្យដឹងថា ផ្លូវជាតិលេខ១០ ជាប្រភេទផ្លូវ Grade III ក្រាលកៅស៊ូពីរស្រទាប់ DBST ដោយប្រើប្រាស់ពេលវេលាសាងសង់៦៦ខែ ចាប់ផ្ដើមពីថ្ងៃទី១៨ ខែធ្នូ ឆ្នាំ ២០១៩ និងគ្រោងបញ្ចប់អំឡុងខែមិថុនា ឆ្នាំ ២០២៥ខាងមុខនេះ ។ នៅលើបណ្ដោយផ្លូវជាតិលេខ១០នេះដែរ ក៏មានសាងសង់ស្ពានខ្ពស់ជាងគេនៅកម្ពុជា ដែលមានកម្ពស់រហូតដល់ជាង៩០ម៉ែត្រ ហើយគម្រោងស្ពាននេះដែរ ក៏នឹងត្រូវដាក់ឱ្យដំណើរបណ្ដោះអាសន្នរយៈពេល ៧ថ្ងៃក្នុងអំឡុងពិធីបុណ្យចូលឆ្នាំខ្មែរ ដូច្នេះពលរដ្ឋដែលត្រូវឆ្លងកាត់ផ្លូវជាតិលេខ១០ ឬពលរដ្ឋនៅខេត្តបាត់ដំបង ពោធិ៍សាត់ អាចធ្វើដំណើរទៅលេខខេត្តកោះកុង ឬខេត្តព្រះសីហនុ តាមផ្លូវជាតិលេខ១០ដោយងាយស្រួល ចំណែលពលដ្ឋខេត្តព្រះសីហនុ ខេត្តកោះកុង អាចធ្វើដំណើរទៅលេងខេត្តពោធិ៍សាត់ និងបាត់ដំបងក៏អាចធ្វើដំណើរតាមផ្លូវជាតិលេខ១០នេះ បានផងដែរ ៕