កិច្ចប្រជុំជាមួយគណៈប្រតិភូនៃអាជ្ញាធរសវនកម្មជាតិ ស្ដីពីការចាប់ផ្តើមការងារសវនកម្មលើរបាយការណ៍ហិរញ្ញវត្ថុ របស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ២០២៤ ទីស្តីការក្រសួង៖ ថ្ងៃអង្គារ ទី២៥ ខែមីនា ឆ្នាំ២០២៥ ឯកឧត្ដម មួន វាសនា រដ្ឋលេខាធិការ ក្រសួងសាធារណការ និងដឹកជញ្ជូន បានជួបពិភាក្សាការងារជាមួយឯកឧត្តម ឡុង អាទិច្ចបូរា អគ្គលេខាធិការ នៃអាជ្ញាធរសវនកម្មជាតិ លើការធ្វើសវនកម្មលើរបាយការណ៍ហិរញ្ញវត្ថុ របស់ក្រសួងសាធារណការ និងដឹកជញ្ជូន សម្រាប់ការិយបរិច្ឆេទ២០២៤ ដោយមានការចូលរួមពីថ្នាក់ដឹកនាំ និងមន្ត្រីពីអង្គភាពក្រោមឱវាទក្រសួង និងក្រុមប្រតិភូសវនកម្មនៃអាជ្ញាធរសវនកម្មជាតិ។ កិច្ចប្រជុំនេះបានឆ្លុះបង្ហាញពីគោលបំណងសវនកម្ម ការតាមដានអនុសាសន៍សវនកម្ម តម្រូវការឯកសារសវនកម្ម និងតារាងពេលវេលាសវនកម្ម សំដៅពន្លឿនពេលវេលាសវនកម្ម និងបំពេញបន្ថែមរាល់ចំណុចខ្វះចន្លោះដោយអចេតនា ដែលក្រសួងក្នុងនាមជាអ្នកអនុវត្តអាចជួបប្រទះ ក្នុងការអនុវត្តតាមនីតិវិធីហិរញ្ញវត្ថុជាធរមាន ឬកំសោយក្នុងប្រព័ន្ធត្រួតពិនិត្យផ្ទៃក្នុងខ្លះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube