ក្រុមការងារក្រសួង និងអាជ្ញាធរខេត្ត បានចុះពិនិត្យទីតាំងគម្រោងសាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតចំនួន ៣ទីតាំង ក្នុងភូមិសាស្រ្តខេត្តកណ្តាល កណ្តាល ៖ នៅព្រឹកថ្ងៃសុក្រ ទី២១ ខែមីនា ឆ្នាំ២០២៥ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូ និងមានការអញ្ជើញចូលរួមពីលោក អៀច សុវណ្ណវាសនា នាយករងរដ្ឋបាលសាលាខេត្តកណ្តាល លោក ជាង រិទ្ធី នាយកទីចាត់ការអន្តរវិស័យសាលាខេត្ត លោក ប៉ែត សារ៉ាត់ អនុប្រធានមន្ទីរសាធារណការ និងដឹកជញ្ជូនខេត្តកណ្តាល អាជ្ញាធរមូលដ្ឋានភូមិ ឃុំ ស្រុក និងអង្គភាពជំនាញពាក់ព័ន្ធផ្សេងទៀត ចុះពិនិត្យទីតាំងគម្រោងសាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ តាមសំណើរបស់មន្ទីរសាធារណការ និងដឹកជញ្ជូន ចំនួន ៣ទីតាំង រួមមាន៖ ទី១/ ស្ថិតនៅលើផ្លូវជាតិលេខ៨ ចំណុចចន្លោះគ.ម៣០+៧០០ ដល់គ.ម៣១+០០០ ក្នុងឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ទី២/ ស្ថិតនៅលើមហាវិថី ស៊ីជីនពីង(ផ្លូវក្រវ៉ាត់ក្រុងទី៣) ចំណុចចន្លោះគ.ម២១+៤០០ ដល់គ.ម២១+៥០០ ក្នុងសង្កាត់រកាខ្ពស់ ក្រុងតាខ្មៅ ខេត្តកណ្តាល និងទី៣/ ស្ថិតនៅលើផ្លូវជាតិលេខ២៣ ចំណុចចន្លោះគ.ម០+២០០ ដល់០+៣៥០ ក្នុងសង្កាត់ជ្រោយតាកែវ ក្រុងសំពៅពូន ខេត្តកណ្តាល។ សូមបញ្ជាក់ជូនជ្រាបថា គម្រោងសាងសង់ស្ថានីយថ្លឹងយានយន្តទាំង ៣កន្លែងខាងលើ គឺមានលក្ខណៈពិសេស ដែលសាងសង់នៅចំកណ្តាលអ័ក្សផ្លូវ មិនធ្វើឱ្យប៉ះពាល់ដល់មុខលំនៅឋានរបស់បងប្អូនប្រជាពលរដ្ឋ និងមានបទដ្ឋានបច្ចេកទេសសាងសង់ត្រឹមត្រូវច្បាស់លាស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube