កិច្ចប្រជុំក្រុមការងារតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្ត្រ ផែនការអភិវឌ្ឍន៍ និងគោលនយោបាយរបស់ក្រសួងសាធារណការ និងដឹកជញ្ជូន(ក.យ.ផ.គ.សកដ) ទីស្ដីការក្រសួង៖ នាថ្ងៃចន្ទ ទី៧ ខែមីនា ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន និងជាប្រធានក្រុមការងារ ក.យ.ផ.គ.សកដ បានអញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំលើកដំបូងនៃ ក.យ.ផ.គ.សកដ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ដែលជាអនុប្រធាន និងសមាជិកនៃ ក.យ.ផ.គ.សកដ សរុប ៣០រូប។ កិច្ចប្រជុំនេះរៀបចំឡើងដោយផ្តោតលើរបៀបវារៈចំនួន ៣ រួមមាន៖ (១)ប្រកាសសមាសភាព ក.យ.ផ.គ.សកដ (២)ពិនិត្យ និងផ្តល់យោបល់បន្ថែមលើសេចក្តីព្រាងគោលការណ៍ណែនាំស្តីពីក្របខ័ណ្ឌតាមដាន ត្រួតពិនិត្យ និងវាយតម្លៃសមិទ្ធកម្មផែនការសកម្មភាពអាទិភាពក្នុងវិស័យសាធារណការ និងដឹកជញ្ជូន (៣) ពិនិត្យ និងផ្តល់យោបល់បន្ថែមលើសេចក្តីព្រាងផែនការសកម្មភាពអាទិភាពឆ្នាំ២០២៥ របស់ក្រសួងសាធារណការ និងដឹកជញ្ជូន។ កិច្ចប្រជុំនាឱកាសនេះ លោកជំទាវរដ្ឋលេខាធិការប្រចាំការ ព្រមទាំងឯកឧត្តម លោកជំទាវ ថ្នាក់ដឹកនាំ និងលោក លោកស្រី ជាសមាជិកនៃ ក.យ.ផ.គ.សកដ បានធ្វើការពិនិត្យ និងផ្តល់យោបល់បន្ថែមលើសេចក្តីព្រាងទាំង២ខាងលើ ដើម្បីឱ្យកាន់តែមានភាពល្អប្រសើរ គ្រប់ជ្រុងជ្រោយ និងអាចអនុវត្តបាននាពេលខាងមុខប្រកបដោយប្រសិទ្ធភាព ស័ក្តិសិទ្ធិភាព និងគណនេយ្យភាព ស្របតាមគោលនយោបាយរបស់រាជរដ្ឋាភិបាល ដោយឈរលើគោលការណ៍រួម (ជវភាពនៃប្រព័ន្ធតួអង្គតែមួយ) គឺ រួមគិត រួមរៀបចំ រួមអនុវត្ត និងរួមទទួលខុសត្រូវ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube