សកម្មភាពនិស្សិតជំនាញប្រព័ន្ធចម្រោះទឹកកខ្វក់ នៃវិទ្យាស្ថានតេជោសែន សាធារណការ និងដឹកជញ្ជូន ចូលរួមការកែច្នៃប្រព័ន្ធសម្អាតទឹកពីស្រះចិញ្ចឹមត្រី មកប្រើប្រាស់ ដើម្បីដាំបន្លែលើទឹក ក្នុងគម្រោង ASEAN BLUE INNOVATION SYSTEM និស្សិតជំនាញប្រព័ន្ធចម្រោះទឹកកខ្វក់ របស់វិទ្យាស្ថាន បានអនុវត្ដទ្រឹស្ដីដែលខ្លួនបានរៀន ដើម្បីការកែច្នៃប្រព័ន្ធសម្អាតទឹកពីស្រះចិញ្ចឹមត្រី ព្រមគ្នានឹងការបម្លែងកាកសំណល់ពីស្រះចិញ្ចឹមត្រី ទៅជាសមាសធាតុមានប្រយោជន៍ សម្រាប់ប្រើប្រាស់ក្នុងការដាំបន្លែលើទឹក ក្នុងគម្រោង ASEAN BLUE INNOVATION SYSTEM។ សកម្មភាពនេះ បានបង្ហាញឱ្យឃើញ អំពីអត្ថប្រយោជន៍ និងភាពចាំបាច់នៃជំនាញប្រព័ន្ធចម្រោះទឹកកខ្វក់ ដែលជំនាញនេះមិនត្រឹមតែអនុវត្ដ ក្នុងប្រព័ន្ធប្រព្រឹត្ដកម្មទឹកកខ្វក់ និងការសម្អាតទឹក ប៉ុណ្ណោះទេ ប៉ុន្ដែថែមទាំងបានចូលរួមចំណែកក្នុងវិស័យពាក់ព័ន្ធនានា ជាអាទិ៍ បរិស្ថាន ជលផល កសិកម្ម ទៀតផង។ វីដេអូនេះបានបង្ហាញអំពីការអនុវត្ដគម្រោងក្នុងដំណាក់កាលទី១ប៉ុណ្ណោះ សម្រាប់ការអនុវត្ដគម្រោងពេញលេញ នឹងមានក្នុងវីដេអូទី២ បន្ទាប់ពីនេះ។