កិច្ចប្រជុំពិភាក្សាឆ្លងយោបល់កម្រិតអន្តរក្រសួងលើសេចក្ដីព្រាងអនុក្រឹត្យស្ដីពីការរៀបចំ និងប្រព្រឹត្តទៅរបស់គណៈកម្មាធិការជាតិសម្របសម្រួលការដឹកជញ្ជូនឆ្លងកាត់ និងឆ្លងព្រំដែន ទីស្ដីការក្រសួង៖ នាថ្ងៃព្រហស្បតិ៍ ទី២០ ខែកុម្ភៈ ឆ្នាំ២០២៥ ដោយទទួលបានអនុសាសន៍ណែនាំពី ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម តូច ចាន់ កុសល រដ្ឋលេខាធិការ និងជាប្រធានគណៈកម្មាធិការជាតិសម្របសម្រួលការដឹកជញ្ជូនឆ្លងកាត់ (NTTCC) បានអញ្ជើញជាអធិបតីដឹកនាំកិច្ចប្រជុំឆ្លងយោបល់កម្រិតអន្តរក្រសួងលើសេចក្ដីអនុក្រឹត្យស្ដីពីការរៀបចំ និងប្រព្រឹត្តទៅរបស់គណៈកម្មាធិការជាតិសម្របសម្រួលការដឹកជញ្ជូនឆ្លងកាត់ និងឆ្លងព្រំដែន ដោយមានការអញ្ជើញចូលរួមពីសំណាក់ ឯកឧត្តមរដ្ឋលេខាធិការ អនុរដ្ឋលេខាធិការ លោក លោកស្រី ជាថ្នាក់ដឹកនាំ និងមន្ត្រីជំនាញដែលអញ្ជើញតំណាងពីគ្រប់ក្រសួង ស្ថាប័នពាក់ព័ន្ធ។ កិច្ចប្រជុំនេះរៀបចំឡើងក្នុងគោលបំណងដើម្បីពិភាក្សាឡើងវិញ និងប្រមូលជាធាតុចូលពីសំណាក់ក្រសួង ស្ថាប័នពាក់ព័ន្ធ សំដៅធ្វើបច្ចុប្បន្នភាព និងវិភាគឡើងវិញនូវមុខងារ តួនាទី និងភារកិច្ចរបស់គណៈកម្មាធិការជាតិទាំងក្នុងក្របខណ្ឌផ្ទៃក្នុង និងជាអន្តរជាតិ ដើម្បីឆ្លើយតបជាមួយនឹងតម្រូវការជាក់ស្តែង និងស្ថានភាពវិវឌ្ឍន៍របស់ស្ថានភាពសង្គម និងសេដ្ឋកិច្ច ទាំងក្នុងអនុតំបន់ និងតំបន់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube