កិច្ចប្រជុំបន្តពិនិត្យពិភាក្សាសម្រេចលើសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ទីស្តីការក្រសួង ៖ នាថ្ងៃព្រហស្បតិ៍ ទី០៦ ខែកុម្ភៈ ឆ្នាំ២០២៥ ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងារទី១ នៃគណៈកម្មការចំពោះកិច្ចដោះស្រាយបញ្ហាប្រឈមពាក់ព័ន្ធនឹងការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានអញ្ជើញដឹកនាំកិច្ចប្រជុំក្រុមការងារទី១ទទួលបន្ទុកធ្វើវិសោធនកម្មច្បាប់ស្តីពីផ្លូវថ្នល់ និងលិខិតបទដ្ឋានគតិយុត្តពាក់ព័ន្ធការងារដឹកលើសទម្ងន់កម្រិតកំណត់ ដើម្បីបន្តពិនិត្យ និងពិភាក្សាលើសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដោយមានការចូលរួមពីឯកឧត្តមថ្នាក់ដឹកនាំ សមាជិក-សមាជិកា និងមន្ត្រីជំនាញក្រុមការងារទី១។ កិច្ចប្រជុំនេះ ត្រូវបានរៀបចំឡើងក្នុងគោលបំណងបន្តពិនិត្យនិងពិភាក្សាលើសំណើសុំផ្តល់ធាតុចូល និងចូលរួមផ្តល់យោបល់ខ្លឹមសារលើមាត្រាមួយចំនួននៃសេចក្តីព្រាងអនុក្រឹត្យនេះ ព្រមទាំងពិនិត្យផ្ទៀងផ្ទាត់ និងកែសម្រួលឡើងវិញ ពាក្យពេចន៍ ឃ្លាឃ្លោង និងខ្លឹមសារ ដើម្បីឱ្យមានអត្ថន័យគ្រប់ជ្រុងជ្រោយ និងមានសង្គតិភាព ព្រមទាំងអាចអនុវត្តបានតាមការរីកចម្រើន និងការអភិវឌ្ឍសង្គមជាតិជាក់ស្តែង មុននឹងដាក់ឆ្លងបន្តទៅគណៈកម្មការចំពោះកិច្ចដោះស្រាយបញ្ហាប្រឈមពាក់ព័ន្ធនឹងការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដើម្បីធានាការទប់ស្កាត់បទល្មើសពាក់ព័ន្ធនឹងការដឹកជញ្ជូនលើសទម្ងន់កម្រិតកំណត់ឱ្យប្រសិទ្ធភាព និងប្រសិទ្ធផលខ្ពស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube