កិច្ចប្រជុំពិភាក្សាស្តីពីផលប៉ះពាល់ជាមួយផ្លូវរថភ្លើង និងពិនិត្យវឌ្ឍនភាពគម្រោងវិនិយោគបន្ទាន់លើហេដ្ឋារចនាសម្ព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្រ្តរាជធានីភ្នំពេញ សម្រាប់ឆ្នាំ២០២៤ ទីស្ដីការក្រសួង៖ នាថ្ងៃចន្ទ ទី២៧ ខែមករា ឆ្នាំ២០២៥ ឯកឧត្តម ហ៊ាង វុត្ថា អគ្គនាយកបច្ចេកទេស និងជាប្រធានក្រុមការងារបច្ចេកទេស ឯកឧត្តម ចៅសុភៈ ភិបាល អគ្គនាយកប្រព័ន្ធចម្រោះទឹកកខ្វក់ និងជានាយកគម្រោងវិនិយោគបន្ទាន់លើហេដ្ឋារចនាសម្ព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្រ្តរាជធានីភ្នំពេញ បានអញ្ជើញជាសហប្រធានដឹកនាំកិច្ចប្រជុំពិភាក្សាស្តីពីផលប៉ះពាល់ជាមួយផ្លូវរថភ្លើង និងពិនិត្យវឌ្ឍនភាពគម្រោងវិនិយោគបន្ទាន់លើហេដ្ឋារចនាសម្ព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្រ្តរាជធានីភ្នំពេញ សម្រាប់ឆ្នាំ២០២៤ ដោយមានការចូលរួមពីលោកអគ្គនាយករងបច្ចេកទេស លោកប្រធាននាយកដ្ឋានផ្លូវដែក សមាសភាពក្រុមការងារបច្ចេកទេស និងមន្ត្រីបច្ចេកទេសពាក់ព័ន្ធ នៃក្រសួងសាធារណការ និងដឹកជញ្ជូន ព្រមទាំងក្រុមការងារបច្ចេកទេសនៃក្រុមហ៊ុនទទួលអនុវត្តការងារសាងសង់ Phnom Penh Precast Plants Co., LTD និង T.C.M. Engineering Company LTD និងតំណាងក្រុមហ៊ុន រ៉ូយ៉ាល់ រេលវេ។ កិច្ចប្រជុំនេះត្រូវបានរៀបចំឡើងដើម្បីពិភាក្សាទៅតាមរបៀបវារៈសំខាន់ៗចំនួន៣ រួមមាន៖ ១.) ពិនិត្យ និងដោះស្រាយបញ្ហាប្រឈមផលប៉ះពាល់លើការសាងសង់លូប្រអប់ឆ្លងកាត់ក្រោមផ្លូវរថភ្លើង ២.) វឌ្ឍនភាពនៃការអនុវត្តគម្រោង និងផែនការបន្ទាប់ និង ៣.) បញ្ហាប្រឈមផ្សេងៗ និងដំណោះស្រាយ។ ចំពោះវឌ្ឍភាពជារួមនៃគម្រោង សម្រេចលទ្ធផលការងារបានប្រមាណ ៥៥% នៃទំហំការងារសរុប ដែលគម្រោងគ្រោងនឹងបញ្ចប់ទៅតាមពេលវេលាដែលបានគ្រោងទុកនៅក្នុងអំឡុងខែកក្កដា ឆ្នាំ២០២៥ ខាងមុខនេះ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube