ក្រុមការងារបច្ចេកទេសក្រសួងសាធារណការ និងដឹកជញ្ជូន បន្តសកម្មភាពគូសគំនូស និងបំពាក់ផ្លាកសញ្ញាចរាចរណ៍លើមហាវិថី សម្តេចតេជោ ហ៊ុន សែន (ផ្លូវ៦០ម៉ែត្រ) ភ្នំពេញ៖ ក្រុមការងារបច្ចេកទេស នៃក្រសួងសាធារណការ និងដឹកជញ្ជូន នៅតែបន្តសកម្មភាពគូសគំនូសបែងចែកទ្រូងផ្លូវ និងបំពាក់ផ្លាកសញ្ញាចរាចរណ៍លើមហាវិថី សម្តេចតេជោ ហ៊ុន សែន(ផ្លូវ៦០ម៉ែត្រ)ដើម្បីផ្តល់ភាពងាយស្រួលក្នុងការធ្វើចរាចរាចរណ៍ និងសុវត្ថិភាពបើកបរ។ ទន្ទឹមនឹងសកម្មភាពគូសគំនូសចរាចរណ៍ ក្រុមការងារក៏នៅបន្តចុះអប់រំផ្សព្វផ្សាយអំពីច្បាប់ចរាចរណ៍ផ្លូវគោកដល់អ្នកដំណើរផងដែរ។ ក្រសួងសាធារណការ និងដឹកជញ្ជូន សូមអំពាវនាវដល់បងប្អូនប្រជាពលរដ្ឋធ្វើដំណើរតាមផ្លូវ មេត្តាចូលរួមគោរពច្បាប់ចរាចរណ៍ ពាក់មួកសុវត្ថិភាពពេលបើកបរម៉ូតូ ពាក់ខ្សែក្រវាត់ពេលបើកបររថយន្ត និងកុំជិះបញ្ច្រាសផ្លូវ ដើម្បីបង្ការគ្រោះថ្នាក់ចរាចរណ៍ ក៏ដូចជាចូលរួមចំណែកកាត់បន្ថយគ្រោះថ្នាក់ចរាចរណ៍ផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube