ឯកឧត្តម នូ សុវត្ថិ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូន ចូលរួមធ្វើបទអន្តរាគមន៍ក្នុងវេទិកាស្តីពីវិស័យនាំចេញកម្ពុជា រាជធានីភ្នំពេញ៖ នាថ្ងៃចន្ទ ទី១៦ ខែធ្នូ ឆ្នាំ២០២៤ ឯកឧត្តម នូ សុវត្ថិ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូន អញ្ជើញចូលរួមវេទិកាស្តីពីវិស័យនាំចេញកម្ពុជា (Spotlight on Cambodia’s Export Sector Forum) ដែលជាព្រឹត្តិការណ៍អម “ពិព័រណ៍ពាណិជ្ជកម្មកម្ពុជា” ប្រព្រឹត្តទៅចាប់ពីថ្ងៃទី១៣-១៦ ខែធ្នូ ឆ្នាំ២០២៤ នៅសាលសន្និសីទ ភីអេច ហ្ក្រេនហល បុរីប៉េងហួតបឹងស្នោ។ ក្នុងវេទិកានេះដែរ ឯកឧត្តមរដ្ឋលេខាធិការ បានធ្វើបទអន្តរាគមន៍ក្នុងកិច្ចពិភាក្សាទី១ ក្រោមប្រធានបទ «តួនាទីរបស់រាជរដ្ឋាភិបាលក្នុងការជំរុញការនាំចេញ៖ គោលនយោបាយ និងយន្ដការសំខាន់ៗរបស់ក្រសួង និងស្ថាប័នពាក់ព័ន្ធ» ដោយបានគូសបញ្ជាក់អំពីតួនាទីភារកិច្ចរបស់ក្រសួងសាធារណការ និងដឹកជញ្ជូន នូវការងារសំខាន់មួយចំនួន រួមមាន៖ (១) ការអភិវឌ្ឍ និងតភ្ជាប់នូវបណ្ដាញដឹកជញ្ជូន ការសាងសង់ហេដ្ឋារចនាសម្ព័ន្ធដឹកជញ្ជូនតាមផ្លូវថ្នល់ និងស្ពាននានា ពីរាជធានីភ្នំពេញ ទៅកាន់ច្រកនាំចេញសំខាន់ៗ ដូចជា ច្រកព្រំដែនអន្តរជាតិផ្លូវគោក, ច្រកកំពង់ផែ, និងច្រកផ្លូវអាកាស (ជាពិសេសព្រលានយន្ដហោះថ្មីទាំងពីរ), (២) ការបន្តអភិវឌ្ឍ និងការជំរុញការដឹកជញ្ជូនតាមផ្លូវដែក , (៣) ការបន្តអភិវឌ្ឍហេដ្ឋារចនាសម្ព័ន្ធដឹកជញ្ជូនផ្លូវទឹក និងកំពង់ផែទាំងពីរ «កំពង់ស្វយ័តភ្នំពេញ និងកំពង់ផែស្វយ័តក្រុងព្រះសីហនុ» និង (៤) ការអភិវឌ្ឍប្រព័ន្ធភស្ដុភារកម្ម៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube