កិច្ចប្រជុំពិនិត្យពិភាក្សាលម្អិតអំពីវិសាលភាពតាមកាលវិភាគ និងដំណើរការ ការងារសាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ និងស្ថានីយបូមទឹកកខ្វក់ក្នុងក្រុងសៀមរាប នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ(WaSSIP) ទីស្តីការក្រសួង ៖ ថ្ងៃទី៩ ខែធ្នូ ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យការងារសាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ និងស្ថានីយបូមទឹកកខ្វក់ក្នុងក្រុងសៀមរាប នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ(WaSSIP)។ កិច្ចប្រជុំនេះ មានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ថ្នាក់ដឹកនាំគម្រោង និងមន្ត្រីជំនាញបច្ចេកទេសជាសមាជិកគម្រោង រួមជាមួយ និងតំណាងCTI តំណាងក្រុមហ៊ុន CHINA RAILWAY NO.2 ENGINEERING GROUP Co.,Ltd។ គោលបំណងនៃកិច្ចប្រជុំគឺ ដើម្បីពិនិត្យពិភាក្សាលម្អិតអំពីវិសាលភាព តាមកាលវិភាគ និងដំណើរការការងារ ធ្វើយ៉ាងណាឱ្យគម្រោងមួយនេះទទួលបានភាពជោគជ័យតាំងពីដំណាក់កាលចាប់ផ្តើមរហូតដល់គម្រោងបញ្ចប់៕