គម្រោងសាងសង់ស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ ចំនួន ០២ទីតាំង នៅលើផ្លូវជាតិលេខ៧១សេ ក្នុងខេត្តកំពង់ចាម និងខេត្តត្បូងឃ្មុំ សម្រេចលទ្ធផល ១០០% នៅថ្ងៃចន្ទ ទី២ ខែធ្នូ ឆ្នាំ២០២៤ ឯកឧត្តម បុង ប៊ុនហួន រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងសាងសង់ផ្លូវជាតិលេខ៧១សេ និងឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងមានការអញ្ជើញចូលរួមពី ឯកឧត្តមអនុរដ្ឋលេខាធិការ អគ្គនាយករងបច្ចេកទេស ប្រធានមន្ទីរសាធារណការ និងដឹកជញ្ជូនខេត្តកំពង់ចាម និងខេត្តត្បូងឃ្មុំ ក្រុមហ៊ុនសាងសង់ផ្លូវ Shanghai Construction Group Co,Ltd. និងមន្រ្តីជំនាញពាក់ព័ន្ធ បានចុះត្រួតពិនិត្យ និងប្រគល់ទទួលស្ថានីយថ្លឹងយានយន្តដឹកជញ្ជូនលើសទម្ងន់កម្រិតកំណត់ ចំនួន ០២ទីតាំង នៅលើផ្លូវជាតិលេខ៧១សេ រួមមានទីតាំងទី១ ស្ថិតនៅត្រង់គីឡូម៉ែត្រលេខ ៧០+៣០០ ក្នុងភូមិមាឃ១ ឃុំព្រែកកក់ ស្រុកស្ទឹងត្រង់ ខេត្តកំពង់ចាម និងទីតាំងទី២ ស្ថិតនៅត្រង់គីឡូម៉ែត្រលេខ ៣៩+៩៥០ ក្នុងភូមិសោយ១ ឃុំប៉ើស១ ស្រុកក្រូចឆ្មារ ខេត្តត្បូងឃ្មុំ ។ គូសបញ្ជាក់ផងដែរថា ស្ថានីយទាំងពីរនេះ នឹងចាប់ផ្តើមដំណើរការថ្លឹងយានយន្ដដឹកជញ្ជូនធុនធ្ងន់ នៅពេលឆាប់ៗខាងមុខនេះ ក្នុងគោលបំណងដើម្បីការពារហេដ្ឋារចនាសម្ព័ន្ធផ្លូវថ្នល់ ស្ពាន និងសំណង់សិល្បការ្យផ្លូវថ្នល់ ឱ្យធានាបាននូវការប្រើប្រាស់បានយូរអង្វែង តាមអាយុកាលបច្ចេកទេសកំណត់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube