វគ្គបណ្តុះបណ្តាល ស្តីពី «នីតិវិធីអនុវត្តកិច្ចលទ្ធកម្មសាធារណៈ ដល់អង្គភាពថវិកាថ្នាក់កណ្តាល ដែលត្រូវជ្រើសរើសជាអាណាប័កផ្ទេរសិទ្ធិពេញលេញ និងអង្គភាពថវិកាថ្នាក់មូលដ្ឋាន» ភ្នំពេញ៖ នាថ្ងៃចន្ទ ទី២៥ ខែវិច្ឆិកា ឆ្នាំ២០២៤ លោកជំទាវ កុយ សុដានី រដ្ឋលេខាធិការប្រចាំការ និងជាប្រធានក្រុមការងារកែទម្រង់ហិរញ្ញវត្ថុសាធារណៈរបស់ក្រសួងសាធារណការ និងដឹកជញ្ជូន បានអញ្ជើញជាអធិបតី ក្នុងពិធីបើកវគ្គបណ្តុះបណ្តាល ស្តីពី «នីតិវិធីអនុវត្តកិច្ចលទ្ធកម្មសាធារណៈដល់អង្គភាពថវិកាថ្នាក់កណ្តាល ដែលត្រូវជ្រើសរើសជាអាណាប័កផ្ទេរសិទ្ធិពេញលេញ និងអង្គភាពថវិកាថ្នាក់មូលដ្ឋាន ដោយមានការអញ្ជើញចូលរួមពីថ្នាក់ដឹកនាំក្រសួង មន្ត្រីជំនាញ នៃអង្គភាពលទ្ធកម្ម និងសិក្ខាកាមមកពីអង្គភាពក្រោមឱវាទក្រសួង សរុបប្រមាណ១២០នាក់។ វគ្គបណ្តុះបណ្តាលនេះត្រូវបានរៀបចំឡើង ក្នុងគោលបំណងដើម្បីផ្តល់ជាមូលដ្ឋានសំខាន់ដល់សិក្ខាកាមឱ្យបានយល់ដឹងអំពីនីតិវិធីអនុវត្តកិច្ចលទ្ធកម្មសាធារណៈ ជាពិសេសសិក្ខាកាមមកពីអង្គភាពថវិកាថ្នាក់កណ្តាល ហើយវគ្គបណ្តុះបណ្តាលនេះនឹងផ្តល់ជាពុទ្ធិក្នុងការជួយជ្រោមជ្រែងដល់មន្រ្តីបច្ចេកទេស ដែលទទួលបន្ទុកនៅតាមបណ្តាអង្គភាពថវិកាថ្នាក់កណ្តាល ដើម្បីឈានទៅដល់ការអនុវត្តខ្លួនឯងផ្ទាល់ ពាក់ព័ន្ធនឹងការអនុវត្តថវិកាសម្រាប់ឆ្នាំ២០២៥ ដោយក្នុងនោះមន្រ្តីជំនាញក៏បានធ្វើបទបង្ហាញ ស្តីពីការរៀបចំផែនការលទ្ធកម្ម និងវិធីសាស្ត្រនៃកិច្ចលទ្ធកម្ម ជូនដល់សិក្ខាកាមផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube