សកម្មភាព ក្រុមការងារស.ស.យ.ក វិស័យសាធារណ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណ និងដឹកជញ្ជូនខេត្តព្រះវិហារ បានចូលរួមដាក់ស្តង់ ដើម្បីអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ក្នុងពិធី ប្រណាំងទូក អបអរសាទរ មុនការចាប់ផ្តើម ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលនឹងប្រព្រឹត្តិទៅនៅថ្ងៃទី១៤-១៦ ខែវិច្ឆិកា ឆ្នាំ២០២៤ ខាងមុខ ព្រះវិហារ : នាថ្ងៃទី៩-១០ ខែវិច្ឆិកា ឆ្នាំ២០២៤ ក្រុមការងារ ស.ស.យ.ក វិស័យសាធារណ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណ និងដឹកជញ្ជូនខេត្តខេត្តព្រះវិហារ បានចូលរួមដាក់ស្តង់ ដើម្បីអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ក្នុងពិធី ប្រណាំងទូក អបអរសាទរ មុនការចាប់ផ្តើម ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលនឹងប្រព្រឹត្តិទៅនៅថ្ងៃទី១៤-១៦ ខែវិច្ឆិកា ឆ្នាំ២០២៤ ខាងមុខ។ កម្មវិធីខាងលើធ្វើឡើងនៅទំនប់៩៥ ស្ថិតក្នុងភូមិទំនប់ សង្កាត់ប៉ាលហាល ក្រុងព្រះវិហារ ខេត្តព្រះវិហារ ក្រោមអធិបតីភាព ឯកឧត្ដម គីម រិទ្ធី អភិបាលខេត្ត ឯកឧត្ដម ប្រាក់ សុវណ្ណ ប្រធានក្រុមប្រឹក្សាខេត្ត លោកប្រធានមន្ទីរសាធារណការ និងដឹកជញ្ជូនខេត្ត និងគ្រប់អង្គភាពពាក់ព័ន្ធ ក្នុងខេត្តផងដែរ។ នាឱកាសនោះ ក្រុមការងារ ស.ស.យ.ក វិស័យសាធារណ និងដឹកជញ្ជូន តាមរយៈ ក្រុមការងារ ស.ស.យ.ក មន្ទីរសាធារណ និងដឹកជញ្ជូនខេត្តព្រះវិហារ បានចែកឯកសារអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក ១៨៥០ច្បាប់ ស្ទីកឃ័រ ចំនួន ៤១០សន្លឹក អាវយឺត ចំនួន ១០ អាវ និង មួកសុវត្ថិភាព ចំនួន ២៣ មួក ជូនដល់ពលរដ្ឋដែលមកចូលរួមទស្សនាពិធីនេះផងដែរ៕