ក្រុមការងាររាជរដ្ឋាភិបាលចុះមូលដ្ឋានឃុំលើកដែក បាននាំយកទេយ្យទាន និងបច្ច័យមួយចំនួន ចូលរួមបុណ្យកឋិនទានក្នុងវត្តចំនួន៥ ស្ថិតក្នុងឃុំលើកដែក នៃស្រុកកោះធំ ខេត្តកណ្ដាល កោះធំ : នៅព្រឹកថ្ងៃសៅរ៍ ទី ២ ខែវិច្ឆិកា ឆ្នាំ២០២៤ ឯកឧត្តម ហ៊ាង វុត្ថា ប្រធានក្រុមការងាររាជរដ្ឋាភិបាលចុះមូលដ្ឋានឃុំលើកដែក និង ឯកឧត្តម ហុង ស៊ីណារ៉ា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ ទទួលជួយឃុំលើកដែក លោកអនុប្រធាន សមាជិក សមាជិកា ព្រមទាំង លោកប្រធានគណបក្សឃុំលើកដែក លោកអនុប្រធាន និងសមាជិក សមាជិកា គណបក្សឃុំ បាននាំយកត្រៃធំចំនួន១ បច្ច័យមួយចំនួន សម្រាប់ចូលរួមបុណ្យកឋិនទានក្នុងវត្តចំនួន៥ ស្ថិតក្នុងមូលដ្ឋានឃុំលើកដែក នៃស្រុកកោះធំ ខេត្តកណ្ដាល រួមមាន វត្តជ្រោយ វត្តពាមឃ្លាំង វត្តទួលស្លែង វត្តធម្មតេជះ និងវត្តទួលឫស្សីកី។ បញ្ជាក់ជូនផងដែរ បច្ច័យដែលបានចូលរួមបុណ្យកឋិនទានក្នុងវត្តចំនួន៥ ខាងលើ ទទួលបានពីការចូលរួមរបស់ ថ្នាក់ដឹកនាំ មាន ឯកឧត្តម ផែង សុវិជ្ជានោ, ឯកឧត្តម នូ វឌ្ឍនៈ, ឯកឧត្តម ហុង ស៊ីណារ៉ា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ ទទួលជួយឃុំលើកដែក, ឯកឧត្តម ហ៊ាង វុត្ថា ប្រធានក្រុមការងាររាជរដ្ឋាភិបាលចុះមូលដ្ឋានឃុំលើកដែក ព្រមទាំង លោកអនុប្រធាន និងសមាជិក សមាជិកា ក្រុមការងាររាជរដ្ឋាភិបាលចុះមូលដ្ឋានឃុំលើកដែក៕