ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ទទួលជួបជាមួយធនាគារវិនិយោគហេដ្ឋារចនាសម្ព័ន្ធអាស៊ី(AIIB) រដ្ឋធានីប៉េកាំង៖ បន្ទាប់ពីជំនួបជាមួយឯកឧត្តមរដ្ឋមន្រ្តីក្រសួងដឹកជញ្ជូននៃសាធារណរដ្ឋប្រជាមានិតចិន នាព្រឹកថ្ងៃដដែលថ្ងៃទី២៦ ខែកញ្ញា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានទទួលជួបជាមួយធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដែលតំណាងដោយ លោកស្រី Suthasinee (Alex) Nimitkul នាយកប្រតិបត្តិធនាគារAIIB ដោយមានការចូលរួមពីថ្នាក់ដឹកនាំពាក់ព័ន្ធ។ ក្នុងជំនួបនេះ ឯកឧត្តមរដ្ឋមន្រ្តីបានថ្លែងអំណរគុណដល់ AIIB ដែលបានគាំទ្រក្រសួងសាធារណការ និងដឹកជញ្ជូននឆពេលកន្លងមក តាមរយៈគម្រោង 1) ធ្វើឱ្យប្រសើរឡើងហេដ្ឋារចនាសម្ព័ន្ធឆ្លងកាត់ព្រំដែន និង 2) អភិវឌ្ឍន៍ហេដ្ឋារចនាសម្ព័ន្ធក្នុងទីក្រុង (UIDP)។ ឯកឧត្តមរដ្ឋមន្រ្តី និងលោកស្រីតំណាង AIIB បានឯកភាពជំរុញការអនុវត្តគម្រោងខាងលើឱ្យបានជោគជ័យតាមការគ្រោងទុក។ នាឱកាសនោះផងដែរ ក្រសួងសាធារណការ និងដឹកជញ្ជូន និងធនាគារ AIIB ក៏បានចុះហត្ថលេខាលើអនុស្សារណៈយោគយល់ចំនួនពីររួមមាន ការសិក្សាសមិទ្ធិលទ្ធភាព បណ្តាញរថភ្លើងក្រោមដីនៅរាជធានីភ្នំពេញ និងការសិក្សាបណ្តាញតភ្ជាប់ហេដ្ឋារចនាសម្ព័ន្ធ នៅភូមិភាគតំបន់ភាគឦសាននៃព្រះរាជាណាចក្រកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube