ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍នៃគណៈកម្មាធិការកណ្ដាល ប្រធានគណៈកម្មាធិការគណបក្សក្រសួងសាធារណការ និងដឹកជញ្ជូន និងជាប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានជួយស្រុកស្អាង និងស្រុកកោះធំ បានអញ្ជើញដឹកនាំកិច្ចប្រជុំស្តីពីការពិនិត្យពិភាក្សា បែបបទ និងរបៀបរបបការងារគណបក្សនៅមូលដ្ឋានស្រុកស្អាង និងដឹកនាំកិច្ចប្រជុំស្តីពីការពង្រឹងការអនុវត្តតួនាទី ភារកិច្ចរបស់មន្ត្រីគណបក្សនៅមូលដ្ឋាន ស្រុក-ឃុំ ក្នុងស្រុកកោះធំ ស្រុកស្អាង និងកោះធំ៖ នាថ្ងៃសៅរ៍ ទី២៤ ខែ សីហា ឆ្នាំ២០២៤ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍នៃគណៈកម្មាធិការកណ្ដាល ប្រធានគណៈកម្មាធិការគណបក្សក្រសួងសាធារណការ និងដឹកជញ្ជូន និងជាប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានជួយស្រុកស្អាង និងស្រុកកោះធំបានអញ្ជើញដឹកនាំកិច្ចប្រជុំស្តីពីការពិនិត្យពិភាក្សា បែបបទ និងរបៀបរបបការងារគណបក្សនៅមូលដ្ឋានស្រុកស្អាង និងដឹកនាំកិច្ចប្រជុំស្តីពីការពង្រឹងការអនុវត្តតួនាទី ភារកិច្ចរបស់មន្ត្រីគណបក្សនៅមូលដ្ឋាន ស្រុក-ឃុំ ក្នុងស្រុកកោះធំ ដោយមានការអញ្ជើញចូលរួមពី ឯកឧត្តម លោកជំទាវ លោកឧកញ៉ា អនុប្រធានគណៈអចិន្ត្រៃយ៍ក្រុមការងារ គណបក្សចុះមូលដ្ឋានស្រុកទាំងពីរ ឯកឧត្តម លោកជំទាវ លោកឧកញ៉ា អនុប្រធានក្រុមការងារគណបក្សចុះមូលដ្ឋាន ស្រុក ឯកឧត្តមប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានឃុំទាំងអស់ ក្នុងស្រុកស្អាង និងស្រុកកោះធំ ព្រមទាំងសមាជិក សមាជិកាពាក់ព័ន្ធ។ កិច្ចប្រជុំធ្វើឡើងក្នុងគោលបំណងក្នុង ការឧបត្ថម្ភគាំពារដល់គ្រួសារបក្សមានទុក្ខលំបាក ដូចជាមរណភាព សម្រាលកូន និងការទ្រទ្រង់ទីស្នាក់ការគណបក្សស្រុក ការងារសេវារដ្ឋបាល មានដូចជា សំបុត្រកំណើត សំបុត្រអាពាហ៍ពិពាហ៍ និងលិខិតមរណភាព ជាដើម ការជំរុញប័ណ្ណ ប.ស.ស. និងការងារផ្សេងៗ។ ថ្លែងក្នុងអង្គប្រជុំ ឯកឧត្តមប្រធាន បានមានប្រសាសន៍សំណេះសំណាល និងការផ្តាំផ្ញើ បានលើកឡើងពីស្ថានភាពសង្គមបច្ចុប្បន្ន រួមមានព្រឹត្តិការណ៍ប្រវត្តិសាស្ត្រ ការបើកការដ្ឋានព្រែកជីកហ្វូណនតេជោ កាលពីថ្ងៃទី ៥ ខែសីហា ឆ្នាំ២០២៤ និងករណីពាក់ព័ន្ធកិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) ជាដើម។ ជាមួយនេះ ឯកឧត្តមប្រធាន ក៏បានក្រើនរំលឹកទៅកាន់សមាជិកក្នុងអង្គប្រជុំ ត្រូវធ្វើយ៉ាងណាយកចិត្តទុកដាក់តាមដានស្ថានការណ៍សង្គមគ្រប់ពេលវេលា ត្រូវបញ្រ្ជាបរាល់សកម្មភាពដែលជាសមិទ្ធផលរបស់ក្រុមការងារបានខិតខំប្រឹងប្រែងអភិវឌ្ឍនាពេលកន្លងមកនៅទូទាំងប្រទេស និយាយជារួម និងនិយាយដោយឡែកចំពោះមូលដ្ឋាននីមួយៗដែលខ្លួនរស់នៅ ទៅដល់សមាជិកសមាជិកាក្នុងភូមិ-ឃុំ ទទួលបានព័ត៌មានកាន់តែទូលំទូលាយ ជាពិសេសប្រជាពលរដ្ឋបានមើលឃើញពីការខិតខំយកចិត្តទុកដាក់របស់បក្ស៕