ការចុះទស្សនកិច្ចសិក្សារបស់សាស្ត្រាចារ្យបុគ្គលិកដេប៉ាតឺម៉ង់វិស្វកម្មបរិស្ថាន និងនិស្សិតមហាវិទ្យាល័យវិស្វកម្ម ផ្នែកវិស្វកម្មបរិស្ថាន នៃសាកលវិទ្យាល័យភូមិន្ទភ្នំពេញ នៅអាងប្រព្រឹត្តកម្មទឹកកខ្វក់ និងស្ថានីយបូមទឹកកខ្វក់ ក្នុងក្រុងសៀមរាប ខេត្តសៀមរាប សៀមរាប៖ នាថ្ងៃសុក្រ ទី៥ ខែកក្កដា ឆ្នាំ២០២៤ សាស្ត្រាចារ្យបុគ្គលិកដេប៉ាតឺម៉ង់វិស្វកម្មបរិស្ថាន និងនិស្សិតមហាវិទ្យាល័យវិស្វកម្ម ផ្នែកវិស្វកម្មបរិស្ថាននៃសាកលវិទ្យាល័យភូមិន្ទភ្នំពេញសរុបចំនួន២៣រូប ដឹកនាំដោយសាស្ត្រាចារ្យ សៅ វិបុល បានចុះទស្សនកិច្ចសិក្សាមកទីតាំង អាងប្រព្រឹត្តកម្មទឹកកខ្វក់ និងស្ថានីយបូមទឹកកខ្វក់ខេត្តសៀមរាប។ ទស្សនកិច្ចសិក្សានេះទទួលបានការស្វាគមន៍យ៉ាងកក់ក្តៅ និងរីករាយពីលោក សាយ ពេជ្រចិន្តា ប្រធានអង្គភាពគ្រប់គ្រងប្រព័ន្ធចម្រោះទឹកកខ្វក់នៃមន្ទីរសាធារណការ និងដឹកជញ្ជូនខេត្ដសៀមរាប និងមន្ត្រីអង្គភាពដោយមានការសម្របសម្រួលពីអគ្គនាយកដ្ឋានប្រព័ន្ឋចម្រោះទឹកកខ្វក់ កសកដ ក្នុងគោលបំណងឱ្យនិសិ្សតទទួលបានបទពិសោធន៍ជាក់ស្តែង មានឱកាសបង្កើតទំនាក់ទំនងជាមួយអ្នកជំនាញ ចែករំលែកយល់ដឹងបន្ថែមពីចំណេះដឹងទ្រឹស្តី ការប្រើប្រាស់បច្ចេកវិទ្យា និងជំនាញដែលបាន និងកំពុងសិក្សា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube