នារសៀលថ្ងៃសុក្រ ទី៥ ខែកក្កដា ឆ្នាំ២០២៤ ឯកឧត្តម ប៉េង ពោធិ៍នា សមាជិកគណៈអចិន្ត្រៃយ៍នៃគណៈកម្មាធិការកណ្ដាល និងជាប្រធានគណៈកម្មាធិការគណបក្សក្រសួងសាធារណការ និងដឹកជញ្ជូន បានដឹកនាំកិច្ចប្រជុំវិសាមញ្ញ នៃគណៈអចិន្ត្រៃយ៍គណៈកម្មាធិការគណបក្សក្រសួងសាធារណការ និងដឹកជញ្ជូន ដោយមានការអញ្ជើញចូលរួមពី ឯកឧត្តម លោកជំទាវ ជាអនុប្រធាន និងជាសមាជិកអចិន្ត្រៃយ៍គណៈកម្មាធិការគណបក្សក្រសួង។ កិច្ចប្រជុំត្រូវបានរៀបចំឡើងទៅតាមរបៀបវារៈដែលបានគ្រោងទុក រួមមាន៖ ១-ពិនិត្យ និងអនុម័តលើការតែងតាំងបន្ថែមសមាជិក (១៦រូប) និងសមាជិកគណៈអចិន្ត្រៃយ៍ (៥រូប) នៃគណៈកម្មាធិការគណបក្សក្រសួង ២-សម្រួលភារកិច្ច និងតែងតាំងអនុប្រធានគណៈចលនាមហាជន នៃគណៈកម្មាធិការគណបក្សក្រសួង ៣-តែងតាំងបន្ថែម និងដំឡើងឋានៈ ជាអនុប្រធានលេខាធិការដ្ឋាននៃគណៈកម្មាធិការគណបក្សក្រសួង ៤.សម្រួលភារកិច្ច និងតែងតាំងប្រធានគណៈកម្មាធិការគណបក្សមូលដ្ឋាន នៃវិទ្យាស្ថានវិទ្យាស្ថានតេជោសែនសាធារណការ និងដឹកជញ្ជូន និង ៥.ផ្សេងៗ៕