ការបើកឯកសារហិរញ្ញវត្ថុ និងចរចាថ្លៃ ជ្រើសរើសទីប្រឹក្សាបច្ចេកទេស នៃគម្រោងផ្លូវវាងក្រុងសៀមរាប(Green Siem Reap Urban Bypass Project) ដែលទទួលបានហិរញ្ញប្បទានសម្បទានពីសាធារណរដ្ឋកូរ៉េ តាមរយៈមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) ទីស្តីការក្រសួង៖ នាព្រឹកថ្ងៃទី២ ខែឧសភា ឆ្នាំ២០២៤ ឯកឧត្តម សូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំបើកឯកសារហិរញ្ញវត្ថុ និងចរចាថ្លៃជ្រើសរើសទីប្រឹក្សាបច្ចេកទេស នៃគម្រោងផ្លូវវាងក្រុងសៀមរាប ក្រោមឥណទានសហប្រតិបត្តិការពីសាធារណរដ្ឋកូរ៉េ ដោយមានការចូលរួមពីថ្នាក់ដឹកនាំក្រសួង តំណាងក្រុមហ៊ុន ទីប្រឹក្សាបច្ចេកទេស និងមន្ត្រីបច្ចេកទេសជំនាញពាក់ព័ន្ធក្រោមឱវាទក្រសួង។ គម្រោងផ្លូវវាងក្រុងសៀមរាបនេះ មានប្រវែង ៤៥,៧៧ គីឡូម៉ែត ចាប់ផ្ដើមត្រង់ចំណុច គ.ម២៩១+៥០០ លើកំណាត់ផ្លូវជាតិលេខ៦ ក្នុងភូមិអន្លង់ពីរ ឃុំត្រពាំងធំ ស្រុកប្រាសាទបាគង ឆ្លងកាត់ផ្នែកខាងត្បូងក្រុងសៀមរាប ឆ្ពោះទៅដល់គ.ម៣៣០+២០០ នៃកំណាត់ផ្លូវជាតិលេខ៦ ក្នុងភូមិពួកថ្មី ឃុំពួក ស្រុកពួក ខេត្តសៀមរាប៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube