ដើម្បីផ្តល់ភាពងាយស្រួលសម្រាប់បងប្អូនប្រជាពលរដ្ឋដែលចង់ចុះបញ្ជីយានជំនិះ ចៀសវាងការយកឯកសារទៅមិនគ្រប់ និងទៅខុសកន្លែង បងប្អូនគួរតែដឹងទាំងនេះជាឯកសារនិងទីតាំងដែលគួរទៅពេលចង់ចុះបញ្ជីយានជំនិះទៅតាមប្រភេទនីមួយៗ ៖ ១. ទោចក្រយានយន្ត,ត្រីចក្រយានយន្ត ,ម៉ូតូសណ្ដោងរ៉ឺម៉ក ឯកសារ ៖ អត្តសញ្ញាណបណ្ណសញ្ជាតិខ្មែរ , វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ, បង្កាន់ដៃពន្ធយានយន្ត, វិក្កយបត្រទិញលក់ ទីតាំង ៖ ហាងលក់យានយន្ត , ការិយាល័យច្រកចេញចូលតែមួយ (ក្រុង ស្រុក ខណ្ឌ)២.រថយន្តធុនស្រាល (លេខរាជធានី-ខេត្ត) ឯកសារ ៖ អត្តសញ្ញាណបណ្ណសញ្ជាតិខ្មែរ, វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ,បង្កាន់ដៃពន្ធយានយន្ត, វិក្ក័យបត្រទិញលក់ ទីតាំង ៖ ហាងលក់រថយន្ត, អង្គភាពច្រកចេញចូលតែមួយ (រាជធានី ខេត្ត) , ស្នើសុំតាមអនឡាញ ៣.រថយន្តធុនស្រាល (លេខពិសេសផ្ទាល់ ឬលេខកម្ពុជា) ឯកសារ ៖ អត្តសញ្ញាណបណ្ណសញ្ជាតិខ្មែរ, វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ,បង្កាន់ដៃពន្ធយានយន្ត, វិក្ក័យបត្រទិញលក់ ទីតាំង ៖ អគ្គនាយកដ្ឋានដឹកជញ្ជូនផ្លូវគោក, ស្នើសុំតាមអនឡាញ ៤.រថយន្តធុនធ្ងន់ ឯកសារ ៖ អត្តសញ្ញាណបណ្ណសញ្ជាតិខ្មែរ, វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ, បង្កាន់ដៃពន្ធយានយន្ត, វិក្ក័យបត្រទិញលក់, វិញ្ញាបនបត្រទទួលស្គាល់យានជំនិះកែច្នៃដំឡើង(រថយន្តកែច្នៃ) ទីតាំង ៖ មន្ទីរសាធារណៈការនិងដឹកជញ្ជូន (រាជធានី ខេត្ត) ៕