កិច្ចប្រជុំពិភាក្សា អំពីវឌ្ឍនភាពនៃគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ (I & II) ជាមួយតំណាង មូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) របស់រដ្ឋាភិបាលសាធារណរដ្ឋកូរ៉េ ទីស្តីការក្រសួង៖ នាថ្ងៃទី២៤ ខែមេសា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ បានអញ្ជើញដឹកនាំកិច្ចប្រជុំពិភាក្សាជាមួយតំណាងមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) របស់ រដ្ឋាភិបាល សាធារណរដ្ឋកូរ៉េ អំពីវឌ្ឍនភាពនៃគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ (I & II)។ កិច្ចប្រជុំនេះ មានការអញ្ជើញចូលរួមពី ឯកឧត្តមអនុរដ្ឋលេខាធិការ ក្រសួងសាធារណការ និងដឹកជញ្ជូន ប្រតិភូរបស់EDCFមកពីប្រទេសកូរ៉េដឹកនាំដោយ លោក Lee Yu-Kyeom តំណាងទីប្រឹក្សាគម្រោងប្រព័ន្ធចម្រោះទឹកកខ្វក់ និងប្រព័ន្ធលូ នៅក្រុងតាខ្មៅ មកពីក្រុមហ៊ុន Dohwa Engineering Co.,Ltd និងក្រុមហ៊ុន CTI Engineering International Co.,Ltd. រួមទាំងមន្ត្រីជំនាញពាក់ព័ន្ធផងដែរ។ គោលបំណងនៃកិច្ចប្រជុំនេះ គឺដើម្បីពិនិត្យវឌ្ឍនភាពការងាររបស់គម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ (I & II) និងផ្ដល់នូវអនុសាសន៍ ក៏ដូចជាបទពិសោធន៍ដើម្បីរៀបចំការពន្លឿនការងារ ការសម្របសម្រួលជាមួយនឹងបញ្ហាប្រឈមនានាកំឡុងពេលអនុវត្តគម្រោង។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.YouTube