កិច្ចប្រជុំពិនិត្យពិភាក្សាលើសេចក្តីព្រាងកិច្ចព្រមព្រៀង ស្តីពីការគ្រប់គ្រងថែទាំ និងប្រើប្រាស់ស្ពានមិត្តភាព កម្ពុជា-ថៃ (ស្ទឹងបត់-បានណងអៀន) ទីស្ដីការក្រសួង៖ នាថ្ងៃទី២៤ ខែមេសា ឆ្នាំ២០២៤ ឯកឧត្តម ហេង រត្នពិសិដ្ឋ អគ្គនាយក នៃអគ្គនាយកដ្ឋានសាធារណការ និងជាប្រធានក្រុមការងារ បានអញ្ជើញដឹកនាំកិច្ចប្រជុំពិនិត្យពិភាក្សាលើសេចក្តីព្រាងកិច្ចព្រមព្រៀងស្តីពីការគ្រប់គ្រងថែទាំ និងប្រើប្រាស់ស្ពានមិត្តភាព កម្ពុជា-ថៃ (ស្ទឹងបត់-បានណងអៀន) ដោយមានការចូលរួមពីតំណាងនៃក្រសួង-ស្ថាប័នពាក់ព័ន្ធ និងតំណាងនៃរដ្ឋបាលថ្នាក់ក្រោមជាតិ ។ អង្គប្រជុំបានពិភាក្សាលើខ្លឹមសារលក្ខខណ្ឌ និងប្រការនៃសេចក្តីព្រាងកិច្ចព្រមព្រៀង ពាក់ព័ន្ធនឹងសិទ្ធិ តួនាទី ភារកិច្ច និងការទទួលខុសត្រូវរបស់គូភាគី លើការគ្រប់គ្រងថែទាំ និងការប្រើប្រាស់ស្ពានមិត្តភាពកម្ពុជា-ថៃ(ស្ទឹងបត់-បានណងអៀន) ដើម្បីផ្ដល់ជាធាតុចូល និងមតិយោបល់លើការគាំទ្រផ្នែកបច្ចេកទេសតាមវិស័យនីមួយៗ ឱ្យបានគ្រប់គ្រាន់ និងគ្រប់ជ្រុងជ្រោយ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube