ពិធីជួបសំណេះសំណាលជាមួយមន្ដ្រីរាជការ បុគ្គលិក មន្ដ្រីជាប់កិច្ចសន្យា ក្នុងឱកាសបុណ្យចូលឆ្នាំថ្មីប្រណៃជាតិខ្មែរ ឆ្នាំរោង ឆស័ក ព.ស.២៥៦៨ គ.ស.២០២៤ នៅមន្ទីរសាធារណការ និងដឹកជញ្ជូនខេត្ដសៀមរាប... ព្រឹកថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤ លោក គី វីរិន្ទ ប្រធានមន្ទីរសាធារណការ និងដឹកជញ្ជូន និងថ្នាក់ដឹកនាំ បានអញ្ចើញជួបសំណេះសំណាលជាមួយមន្ដ្រីរាជការ មន្ដ្រីជាប់កិច្ចសន្យា ដើម្បីអបអរសាទរក្នុងឱកាសបុណ្យចូលឆ្នាំថ្មីប្រណៃជាតិខ្មែរ ឆ្នាំរោង ឆស័ក ព.ស.២៥៦៨ គ.ស.២០២៤ ពិធីជួបសំណេះសំណាលធ្វើឡើងដើម្បីបង្កើនភាពស្និតស្នាលរវាងថ្នាក់ដឹកនាំ និងបុគ្គលិកមន្ដ្រីរាជការ ក្រោមឱវាទមន្ទីរទាំងអស់ ក្នុងឱកាសនោះផងដែរ លោកប្រធានមន្ទីរក៏បានប្រសាសន៍ផ្ដាំផ្ញើសួរសុខទុក្ខ និងជូនពរដល់ក្រុមគ្រួសារ ថ្នាក់ដឹកនាំ មន្ដ្រីរាជការ និងមន្ដ្រីជាប់កិច្ចសន្យា នាថ្ងៃសម្រាកខាងមុខបានជួបជុំគ្រួសារ សូមទទួលបាននូវ សុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ជោគជ័យគ្រប់ភារកិច្ចបន្ថែមទៀត និងសូមសមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ។