ដើម្បីបញ្ជៀសការកកស្ទះចរាចរណ៍នៅតាមបណ្តោយផ្លូវមាត់ឆ្នេរសមុទ្រ រដ្ឋបាលខេត្តព្រះសីហនុ នឹងអនុវត្តលំហូរចរាចរណ៍ក្នុងទិសដៅពីឆ្នេរអូរឈើទាល ទៅឆ្នេរអូរត្រេះ ចាប់ពីថ្ងៃទី១០ ខែមេសា ឆ្នាំ២០២៤ នេះតទៅ! ខេត្តព្រះសីហនុ៖ ចាប់ពីថ្ងៃទី១០ ខែមេសា ឆ្នាំ២០២៤ នេះតទៅ រដ្ឋបាលខេត្តព្រះសីហនុ នឹងអនុវត្តសាកល្បងលើលំហូរចរាចរណ៍ក្នុងទិសដៅចាប់ពីឆ្នេរអូរឈើទាល ឆ្ពោះទៅឆ្នេរអូរត្រេះ ដោយបែងចែកជា បីកំណាត់ដូចខាងក្រោម៖ - កំណាត់ទី១៖ ជាផ្លូវឯកទិសដោយចាប់ពីចំណុចបន្ទប់ទឹកសាធារណៈទី១ រហូតដល់ប្រសព្វវិថីកោះពូឡូវ៉ៃ(ផ្លូវលេខ៣០០ - កែងដំណាក់ស្តេច)។ - កំណាត់ទី២៖ ជាផ្លូវធ្វើចរាចរណ៍ពីរទិស ដោយចាប់ពីចំណុចប្រសព្វវិថីកោះពូឡូវ៉ៃ (ផ្លូវលេខ៣០០ - កែងដំណាក់ស្តេច) រហូតដល់ប្រសព្វផ្លូវលេខ៨៣៧-២ (ហួសហាងកាហ្វេ BROWN ប្រមាណ ៤០០ម) ជៀសវាងការធ្វើដំណើរវាងឆ្ងាយតាមផ្លូវ ៨៣៧ ក្រោយពយអូរឈើទាល - កំណាត់ទី៣ ៖ ជាផ្លូវឯកទិស ដោយចាប់ពីចំណុចប្រសព្វផ្លូវលេខ ៨៣៧-២ (ហួសហាងកាហ្វេ BROWN) រហូតដល់ប្រសព្វផ្លូវលេខ ៨៣៧។ អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាជ្រាបជាព័ត៌មាន និងចូលរួមសហការតាមការណែនាំខាងលើ។