[Auto Bodia] - មកដឹងតម្លៃប្រឡងយកប័ណ្ណបើកបរ និងឯកសារដែលត្រូវមាន
2018-08-06
ទៅកាន់ទំព័រចុះផ្សាយក្នុង Auto Bodia
ក្រសួងសាធារណការ និងដឹកជញ្ជូនទើបបានបង្ហោះវីដេអូថ្មីមួយ ដែលមានបញ្ជាក់ឲ្យដឹងកាន់ច្បាស់ពីឯកសារដែលត្រូវមានដើម្បីស្នើសុំប្រឡងយកប័ណ្ណ និងតម្លៃនៃប្រភេទប័ណ្ណនីមួយៗ។
រូបភាព Ah’Nith May
ឯកសារសំខាន់ៗដែលតម្រូវឲ្យមាន គឺមានចំនួន ៤ ដោយរួមមាន ៖
១. អត្តសញ្ញាណប័ណ្ណ
២. រូបថត ៤ គុណ ៦ មានផ្ទៃ Background ពណ៌សចំនួន ៤ សន្លឹក
៣. វិញ្ញាបនបត្របញ្ជាក់ការសិក្សាពីសាលាបង្រៀនរថយន្ត (ចំពោះប័ណ្ណយានយន្តប្រភេទ គ ឃ និង ង)
៤. វិញ្ញាបនបត្របញ្ជាក់កាយសម្បទា
ចំពោះវិញ្ញាបនបត្របញ្ជាក់កាយសម្បទា អាចរកធ្វើបាននៅមណ្ឌលផ្ដល់សេវាកម្មប្ដូរ និង ពន្យារប័ណ្ណនៅផ្សារទំនើបអ៊ីអន ឬ នៅមណ្ឌលសុខភាពដែលនៅជិត។
សម្រាប់តម្លៃនៃប័ណ្ណវិញមានដូចខាងក្រោម ៖
១. ប័ណ្ណប្រភេទ “ក” មានតម្លៃ ៣០ ០០០ រៀល
២. ប័ណ្ណប្រភេទ “ខ” មានតម្លៃ ៩០ ០០០ រៀល
៣. ប័ណ្ណប្រភេទ “គ” មានតម្លៃ ៩៥ ០០០ រៀល
៤. ប័ណ្ណប្រភេទ “ឃ” មានតម្លៃ ៩៥ ០០០ រៀល
៥. ប័ណ្ណប្រភេទ “ង” មានតម្លៃ ១០០ ០០០ រៀល
ប្រសិនបើចង់ដាក់ពាក្យស្នើសុំប្រឡងយកប័ណ្ណយានយន្ត អាចចូលទៅកាន់វិបសាយ https://driverlicense.mpwt.gov.kh៕
